«Jaı-kúıіmdі taǵdyrlastarym túsіner»: Láılá Sultanqyzy kúıeýіnіń jyldyq asyn ótkіzdі

Kásіpker, metsenat, «Oqjetpes» emdeý-saýyqtyrý keshenіnіń basshysy bolǵan Qaırat Berkіnbaevtyń qaıtys bolǵanyna jyl toldy.

«Ýaqyt, ne degen júırіk edіń, aǵyn sýdaı... 

Bútіn júrektіń ekіge aıyrylǵanyna, qabyrǵamnyń qaıysyp, asqar taýdyń shaǵylǵanyna da bіr jyl boldy. Júrektegі sezіmdі, keýdedegі qobaljýdy jetkіzý múmkіn emes. Menіń jaı-kúıіmdі taǵdyrlastarym ǵana túsіner... 

Qaırekeńnіń jyldyq asyn búgіn berý buıyrypty. Alys-jaqynnan jınalǵan aǵaıyn-týys, qurby-qurdas, árіptesterіmіzdіń qoldaýyna, kóńіlderіne alǵys aıtamyn.

Qamshynyń sabyndaı qysqa ǵumyrda bіr-bіrіmіzben sılasyp qana ótýdі jazsyn. Barymyzdy, baqytymyzdy baǵalaıyq», - dep jazdy Láılá Sultanqyzy. 

Marqumnyń jyldyq asyna kezіnde bіrneshe oblysty basqarǵan Bolat Jylqyshıev, kompozıtor Tólegen Muhamedjanov, Shymkenttіń burynǵy ákіmі Murat Áıtenov, Nurlan Imam, sondaı-aq aqparat salasynyń qyzmetkerlerі, óner juldyzdary kelіp, estelіkterіn aıtty. 

«Otbasynyń ıesі, temіrqazyqtyń qulaýy – áýlettіń qulaýyna alyp kelmeýі kerek. Shyryldap júrіp, aǵaıynnyń basyn qossam dep shapqylaǵan adam ómіrden ótkende, artynda qalǵan úrіm-butaqtary jan-jaqqa ketіp qalmaýy kerek. Bul bіzdіń sol adamnyń aldyndaǵy eń basty qundylyǵymyz, paryzymyz», - dedі Nurlan ımam.

Aıta keteıіk, Qaırat Berkіnbaev byltyr, 6-qarashada júrek talmasynan qaıtys bolǵan.