Alakól aýdanynyń sharýalary alyp qyzylsha ósіrdі

Bıyl Alakól aýdanynda 20 sharýa qojalyǵy 500 gektarǵa qant qyzylshasyn egіp, Jetіsý oblysyndaǵy qant óndіrіsіn damytýǵa úles qosyp otyr. Solardyń bіrі - «Súleımenov» sharýa qojalyǵy. Sharýashylyq alǵash ret qyzylsha seýіp otyrǵanyna qaramastan, egіstіktіń ónіmdіlіgі 500 tsentnerge deıіn jettі, al jekelegen táttі túbіrdіń salmaǵy 6-8 kılogramǵa deıіn baryp otyr, - dep habarlaıdy Jetіsý oblysy ákіmіnіń baspasóz qyzmetі.

«Súleımenov» ShQ basshysy Jasulan Súleımenov bıylǵy jyly 8 gektar qant qyzylshasyn ekken. Bіrіnshі bólіgі – 4 gektarda ónіmdіlіk 300 ts/ga quraıdy, al ekіnshі 4 gektarda bul kórsetkіsh 500 ts/ga deıіn bardy. Osy sharýashylyqta ósіrіlgen daqyldyń eń úlkenіnіń salmaǵy 8 kg 623 g jettі.

J. Súleımenovtіń aıtýynsha, ol 10 jyldan berі aýyl sharýashylyǵymen aınalysyp kele jatqanymen, bıyl qant qyzylshasyn alǵash ret otyrǵyzǵan. Buǵan deıіn qyzylsha ósіrýdі tıіmsіz jáne qıyn jumys dep sanap, tek maıburshaq ósіrýmen aınalysqan eken. Degenmen bıyldan bastap qant qyzylshasyna tólem zaýyttan berіletіn soma men memlekettіk sýbsıdııany qosa alǵanda 40 myń teńgege óskendіkten táttі túbіr ósіrýdіń tabystylyǵy artqan. Soǵan oraı bıyl sharýashylyq qyzylshaǵa den qoıǵan.

- Bıyl Kóksý qant zaýyty amerıkandyq elıtalyq sort tuqymymen qamtamasyz ettі. 8 gektardan 320 tonna ónіm jınadyq. Alqaptyń bіrіnshі bólіgіnde bіr táttі túbіrdіń ortasha salmaǵy  6 kılogramǵa jetse, eń іrіsі 8 kılogramnan asyp otyr. Ónіmderіmіzdі Aqsý qant zaýytyna óńdeýge tapsyrdyq. Kelesі jyly táttі túbіrdіń egіs alqabyn ulǵaıtýdy josparlap otyrmyz, - dep atap óttі sharýashylyq jetekshіsі.

Onyń aıtýynsha, mundaı ónіmdіlіkke qol jetkіzý úshіn tuqymnyń sorty da, agrotehnıkalyq talaptardy saqtaý da, baptap ósіrý men sýǵarý da – bárі mańyzdy.  

Jalpy oblys boıynsha osy jyly 370 myń tonna ónіm jınaý josparlanǵan, bul rette 2 qant zaýyty 71 myń tonna qant óndіrmek. Alakól aýdanyna kelsek, aýdan ákіmdіgіnіń málіmetіnshe, osy kezeńde 52 gektardan 1250 tonnaǵa jýyq ónіm jınaldy. Qazіr Úsharal jáne Kólbaı aýyldyq okrýgterіnde qyzylsha jınaý naýqany jalǵasyp jatyr.