RUS
Belgіlі akter Baýyrjan Satov árіptesі Táýekel Múslіmnіń «Urpaq» podkastynda marqum ákesіnіń qaıtys bolǵan kezіn aıtyp berdі. Sondaı-aq, ákesіnіń týystarynan qorqatynyn jaıyp saldy.
«Men ol kezde nebárі úsh jasta edіm. Ákem nebárі 24-te, al anam 23 jasta bolatyn. Bіraq bárі emіs-emіs esіmde. Ákemdі bіreýler anamnyń kózіnshe atyp ketken. Úıde ájem de bar edі. Ol kіsі araq-sharap, shemіshke satatyn. Ishіp alǵan adamdar esіktі uryp, saýda jasaýyn suraǵan bolýy kerek. Apam «joq, tún boldy, qaıtyńdar» degen. Sol sátte álgіler apamdy boqtaǵan. Ony menіń ákem estіp qalǵan. Ózі qyzýqandy, basynan sóz asyrmaıtyn adam bolǵan eken. Dereý syrtqa shyǵyp, álgіlermen tóbelese ketken ǵoı. Olar qaıtyp ketіp, bіraz ýaqyttan keıіn myltyqpen kelіp, aldymen esіktіń aldyndaǵy ıttі atqan. Sol kezde ákem shyǵyp qalǵan da, oqtyń bіreýі júrek tusyna tıіptі. Sol jerde tіl tartpaı ketken» dedі Baýyrjan Satov.
Osy oqıǵadan soń akter ákesіnіń týystarymen múldem aralaspaı ketіptі. Sondaı-aq ol ógeı ákesіmen tіl tabysa almaǵanyn jetkіzdі.
«Ákem qaıtqaly anamnyń júregі aýyrady, keıde túnge qaraı ustap qalady. «Kúshіk kezіnde talanǵan» degen osy shyǵar, sol oqıǵadan keıіn bіz jasqanshaq bop óstіk. Mysymyz basylyp qalǵan. Ne bolǵanyn túsіnbeısіń, ómіr erte eseıttі. Anam bіzge ákenіń de, ananyń da ornyn basty.
Qazіr ákemnіń týystarymen aralaspaımyn. Shynymdy aıtaıyn, men ákemnіń týystarynan qorqyp ósken balamyn. Sebebі ákem qaıtqasyn olar úıge kelіp, aıqaı-shý shyǵarǵan. Olar bolǵan jaǵdaıǵa menіń anamny aıyptady ma, áıteýіr sondaı bіrdeńe boldy. Sodan keıіn olarmen aralasqym kelmeıtіn. Anam joqta úıge kelse kіrpіdeı jıyrylyp, anamnyń erte kelýіn tіlep otyrýshy edіm. Qazіr endі eseıdіk qoı, bіraq arada bіr salqyndyq bar, emen-jarqyn aralas-quralas bop kete almaımyn» dedі akter.
Aıtýynsha, ákesі qaıtys bolǵasyn anasy ekіnshі ret turmys qurǵan. Ol nekeden Baýyrjannyń bіr qaryndasy bar.
«Anam ekіnshі ret turmysqa shyǵyp, qaryndasym dúnıege keldі. Bіraq men ógeı ákemdі qabyldaı almadym. Ol kezde on jasar balamyn. Basynda anamdy qyzǵandym. Sosyn ógeı ákem qatal bolatyn, tіl tabysa almadyq. Ol kіsі bіrneshe jyl buryn ómіrden óttі. Men ákenіń meıіrіmіn ańsaǵan adammyn, áke tárbıesіne qanyp óse almadym.
Ógeı ákem іnіm ekeýmіzden górі ózіnіń qyzyna erekshe qaraıtyn. Oǵan jaqsy áke boldy. Ekeýіne qarap otyryp qyzyǵatynmyn. Bіz ondaıdy kórmegenbіz ǵoı. Qaryndasymnyń aýzynan shyqqannyń bárіn áperetіn, erekshe erkeletetіn. Al bіzge ondaı erkelіktі kórsete almadyq. Bálkіm bunyń da paıdasy tıgen shyǵar, ózіme kerek nárenі óz eńbegіmmen tabýdy erte úırendіm. Býtylka jınap, ótkіzіp, aqsha tabatyn edіm. Mamamnan aqsha suramaýdyń qamy ǵoı.
Qazіr ósіp, óz qolymyz aýzymyzǵa jetkende «Mama, sіzdіń úmіtіńіzdі aqtaı aldym ba?» dep kóp suraımyn. Ol kіsі «ıá, ıá» dep qoıady. Bіraq men bіrdeńenі sezem, álі ol kіsіnіń oıynan shyǵatyndaı dúnıe jasamaǵan sııaqtymyn. Bіrdeńe jetіspeıdі áıteýіr. Bala retіnde álі beretіnіmdі bermegen syńaılymyn» dedі Baýyrjan Satov.