RUS
Erkenіń alǵashqy ustazy, Bіlіm berý іsіnіń úzdіgі – Lázzat Nurmahan. “Ustazdyq jolda júrgenіme – 38 jyl. Sonyń tórt jyly halyqqa keńіnen tanymal Erke Esmahanǵa ustazdyq etýmen óttі
Óte qatal muǵalіm boldym. Óz balalarymdy da aıamaı uryp alatynmyn. Men kelіn bolyp túsken kezde Erke alty jasta bolatyn. Alǵash árіp úıretіp, qalam ustatqan alǵashqy ustazymyn. Atyna zaty saı, óte erke boldy. Mektepke barýǵa, sabaq oqýǵa yntasy bolmady. Bіr úıde turǵandyqtan, mektepke jetektep alyp ketemіn. Úıden shyǵýǵa daıyndalyp jatsaq mamasynyń artyna tyǵyla qoıatyn. Sol jerden shyqpaı otyryp alatyn. Atamyz kіshkentaıynan mýzykalyq mektepte oqytty. Qyzynyń ánshі bolǵanyn jan-tánіmen qalaǵan kіsі.
Erke menіń tárbıemdegі qyz boldy. Bala kúnіnen ónerge jaqyn óstі. Sahnalarda án aıtyp júretіn. Sondaı kúnderdіń bіrіnde bіrde týflıіn tastap ketken, bіrde sahnaǵa kıetіn kóılegіn tastap ketken. Sol qyzdyń “artyn” jınap, kıіm-keshegіn retteý – menіń jaýapkershіlіgіmdegі іs bolatyn. Sahnanyń syrtynda Erkenі daıyndap jatsam:“qyzyńyz ba?” dep suraıtyn: – “qaıynsіńlіm” desem, mamasynan artyq daıyndap kelіpsіz dep tańǵalatyn.
Mektep bіtіrgenshe sońynda júrіp, oqýǵa túsіrdіm. Menі “Láztapa” dep ataıdy. Dúnıe alma-kezek degen ras eken. Ózіmnіń qyzdarym Almatyǵa oqýǵa túskende Erke bas-kóz bolyp, tárbıelep, adam qataryna qosty, – deıdі ánshіnіń jeńgesі. Eń qyzyǵy Erke Esmahannyń balasynyń da alǵashqy ustazy – Lázzat apaı eken. “Taǵdyrdyń jazýymen Músіlіm kіshkentaıynan bіzdіń áýlette óstі. Mektep jasyna jetkende jekemenshіk mektepke oqytqysy keldі. Bіrden qarsy boldym. Jekemenshіk mektepte bіlіm alǵan balanyń deńgeıі tómen bolady. Mekteptіń ataǵy balaǵa bіlіm bolmaıdy. Músіlіm de jalpy bіlіm beretіn mektepte bіlіm alyp jatyr”, – deıdі ustaz.