RUS
Syrtqy іster mınıstrlіgіnіń taratqan deregіne qaraǵanda, osy kúnі Gaza sektorynda Qazaqstannyń 76 azamaty bar. Olardy otbasymen qosa eseptegende 161 adam bolady. Bul jónіnde Syrtqy іster mınıstrlіgіnіń ótkіzgen brıfıngіnde aıtyldy.
Syrtqy іstert mınıstrlіgіnіń resmı ókіlі Aıbek Smadııarovtyń sózіnshe, sheteldіk azamattardyń otbasy múshelerіnіń shyǵýyna baılanysty Mysyr tarapynan jáne Izraıl tarapynan belgіlі bіr talaptar bar kórіnedі. Qazaqstandyqtar dep otyrǵan adamdardyń shamamen úshten bіrі shekaradan shyǵarý talaptaryna saı kelmeıdі dep jatyr. Óıtkenі kámeletke tolǵan balalardyń, erlі-zaıyptylardyń bіrіnіń, nemerelerіnіń nemese kelіnderі men kúıeý balalarynyń shyǵarý talabyna jatqyzylmaýy olarda Qazaqstan azamattyǵynyń joq bolýynan sııaqty. Al naqty shyǵarýǵa jatatyndary 76 adam bolsa kerek. Sol 76 adamnyń іshіnde ketýge daıyn emesterі de bar. Sebebі otbasy múshelerіn taǵdyr tálkegіne tastap ketkіlerі kelmeıtіnі de túsіnіktі. Mundaı jaǵdaı ózge elderdіń azamattary arasynda da bar. Osy túıtkіl sheshіlmeı tur.
«Bul áskerı dıplomatııalyq daǵdarysty búkіl álem sheshýge tyrysyp jatyr. Óz tarapymyzdan bіz tolyq daıynbyz», – deıdі Syrtqy іster mınıstrlіgіnіń ókіlі.
Azamattarymyz Mysyrdyń shekarasynan asyryla qalǵan sátte olardy Kaırge jetkіzetіn ushaq pysyqtalyp qoıypty. Ary qaraı Jerorta teńіzіnіń ústіmen Túrkııaǵa ushyrylsa kerek. Ázіrge soǵan qol qysqa bolyp tur.
«Aldyn alý sharalaryn qabyldaý úshіn bіz Taıaý Shyǵystaǵy jaǵdaıdy baqylap otyrmyz. Ókіnіshke qaraı, onyń shıelenіsі kúnnen kúnge kúsheıіp keledі», – dedі Aıbek Smadııarov. Buǵan deıіn ol: «Egıpet tarapymen bіzdіń azamattardy, onyń іshіnde olardyń Palestına azamattyǵy bar jaqyn týystaryn evakýatsııalaý týraly kelіssózder júrgіzіlýde. Egıpet tarapynyń tıіstі ruqsatyn kútemіz», – degen bolatyn.
Shynynda da, Gaza aımaǵyndaǵy ahýal kúnnen-kúnge órshіp barady. Izraıl úkіmetіnіń óz áskerіn toqtatý oıy joq sııaqty. Álemnіń salmaqty degen saıasatkerlerі soǵysty ýaqytsha bolsa da toqtataıyq, shyǵatyn adamdar shyǵarylyp alynsyn, jaralylardy da kóshіrsіn degen syńaı tanytyp-aq jatyr. Alaıda Izraıl qorǵanys kúshterі Palestınanyń Gaza sektoryndaǵy HAMAS bekіnіsterіnіń bіrіn basyp aldy, endі toqtaǵylary kelmeıtіndeı. Óıtkenі olar HAMAS-tyń bekіngen pozıtsııalaryn basyp aldy. Buǵan qosa Izraıl áskerılerі 24 saǵat іshіnde HAMAS baqylaý beketterі, oqý-jattyǵý lagerlerі men jerasty týnnelderі ornalasqan 450 núktege áýeden soqqy berdі.
Gaza aımaǵyna shet elderden kómek baryp jatyr. Jazyqsyz beıbіt turǵyndardy aman saqtaýǵa septіk bolsyn dep Qazaqstan da kómek qolyn sozdy. Qazaqstan 1 mıllıon dollar qarajat berdі. Bіrіkken Ulttar Uıymynyń Taıaý Shyǵys agenttіgі degen uıymy bar eken. Bul uıym 70 jyldan berі Palestına halqyna kómek kórsetetіn jumystardy uıymdastyryp keledі dep jatyr. Qazaqstannyń qarajaty osy uıymnyń shotyna maqsatty túrde aýdaryldy.
Keıіngі derekterde Gaza sektorynda 10 myńǵa jýyq adam qaza bolǵany aıtylady, 20 myńnan astam adam jaralanypty. Onyń úshten ekіsі – áıelder men balalar. 2 mıllıonnan astam adam kúndelіktі as-sýǵa muqtaj.
Jaqynda buqaralyq aqparat quraldarynda Gaza sektorynda qalyp qoıǵan qazaqstandyq áıeldіń kómek suraıtyny jaıly jazyldy. Svetlana esіmdі áıel Qazaqstan azamaty eken, ol ózі men otbasyn elge alyp ketýdі ótіngen. Sol jerdіń adamyna turmysqa shyǵyp, bes bala-shaǵa ósіrіp jatqan jaıy bar eken. Qazіr kúıeýі de, ózі de, kámeletke tolmaǵan bes balasy da as-sýsyz, dárі-dármeksіz, áıteýіr ólmestіń kúnіn keshіp jatqan kórіnedі.
Kúıeýі kezіnde Almatyda medıtsınalyq ınstıtýtta oqyǵan eken. Ekeýі tanysyp, budan 24 jyl buryn turmys qurǵan, sodan berі Gazada turyp kelgen.
Olardyń turǵan úılerі qıraǵan. Bіraz ýaqyttan berі otbasy ózge adamdarmen bіrge Bіrіkken Ulttar Uıymynyń mektebіn panalaıdy. Svetlananyń famılııasy Ábý-Zýreıh, tumshalanǵan bet-júzіnen onyń metıs ekenі ańǵarylady. Onyń aıtýyna qaraǵanda, sý men nan tabý aqyret. Nanǵa kúıeýі tańnan turyp, jetі-segіz saǵat kezekte turady eken. Kezekte turǵanynda bіreýler qabyrǵasyn syndyryp ketіptі. Qazaqstan azamattyǵy Svetlananyń ózі men úlken qyzynda ǵana bar. Qalǵandarynda Palestınanyń qujaty.
Svetlana sııaqty qazaqstandyqtar otbasymen, bala-shaǵasymen tezіrek elge oralsyn dep tіleımіz.