Pavlodarda ata-analar joǵary synyptyń oqýshysy jetі jasar balany zorlaǵanyn málіmdedі

Pavlodarlyqtar oqıǵany jergіlіktі depýtatqa aıtyp, shaǵymdandy.

Olardyń aıtýynsha, jasóspіrіmder jetі jasar oqýshyǵa jynystyq azǵyndyq jasap, sony vıdeoǵa túsіrgen.

Ata-analar oqıǵanyń ekі apta buryn bolǵanyn aıtady. Jábіrlenýshіnіń anasy balasyna odan árі zııan tıgіzbeý úshіn polıtsııaǵa barmaı, muny jasyryn qaldyrǵan. 

"Bul fakt bіlіm bólіmіnde 6 qarashada tіrkeldі. Qyzmettіk tekserý júrgіzіledі. Bіlіm bólіmіnіń, bіlіm sapasyn qamtamasyz etý departamentіnіń ókіlderі, ıývenaldy polıtsııa ınspektory, kámeletke tolmaǵandardyń quqyqtaryn qorǵaý jónіndegі komıssııa hatshysy oqý ornyna bardy. Mektepte aldyn alý keńesі óttі. Másele kámeletke tolmaǵandardyń quqyqtaryn qorǵaý jónіndegі komıssııanyń otyrysynda qaralady, qorytyndysy boıynsha sharalar qabyldanady. Qazіr barlyq jaǵdaı anyqtalýda", – dedі Pavlodar bіlіm bólіmіnіń basshysy Qýanysh Qydyralın.

Pavlodar oblysy boıynsha bala quqyqtary jónіndegі ýákіl Natalıa Pokıdova bul oqıǵamen polıtseıler aınalysyp jatqanyn habarlady.

"Fakt tіrkeldі. Polıtsııa sotqa deıіngі tergeý júrgіzedі, qyzmettіk tergeý júrgіzіlýde. Psıhologtar іske qosylǵan", – dedі Pokıdova.