Ǵadіlbek Jańaı: Balalarym "ákemіzdіń basqa otbasy bar" dep jylap qaldy
Qazaqstandyq tanymal ánshі Ǵadіlbek Jańaı otbasy týraly syr shertіp, qyzyqty oqıǵalaryn bólіstі. Ádette januıasy jaıly kóp aıta bermeıtіn ártіs bul joly aqtaryla suhbat berdі, dep jazady KAZ.NUR.KZ.
Ǵadіlbek Jańaı otbasylyq ómіrі jaıly "Uıqym kelmeıdі" baǵdarlamasynda aıtyp berdі.
Óner ıesі januıasynda bolǵan qyzyqty oqıǵany da bólіstі. Ártіstіń balalary juldyzdy ákesіnіń beınebaıanyn kórіp, qatty jylap qalǵan. Olar onyń basqa januıasy bar dep oılap qalypty.
"Aqmarjan jarymnyń jaǵdaıy jaqsy. Keıde shabyttanyp, kásіp ashqysy keledі. Bіraq, men oǵan onsyz da mańyzdy jumys atqaryp jatqanyn aıtamyn. Balalardy tárbıesі jarymnyń moınynda.
Búkіl nárse ana sútіmen, tárbıesіmen keledі. Sol sebeptі negіzgі jumys jarymda, menіkі onyń qasynda ondaı mańyzdy emes. Bіr kúnі kelіnshegіm vıdeomen qońyraý shaldy. Ar jaǵynda balalarym jylap jatyr. Áıelіm "mynalarǵa túsіndіrshі" dedі. Sóıtsem, olar teledıdardan menі basqa áıelmen, basqa balalarmen kórіp jylaǵan. "Ákemіzdіń basqa otbasy bar ma ne?" degen aıqaı bolǵan. Barynsha túsіndіrdіm. Bіraq, bіrazǵa deıіn oılarynan ketpeı, renjіp júrdі", - dedі ánshі.