RUS
Jeńіs Seıdehanovtyń aıtýynsha, týǵan іnіsі 2012 jyly úılengen. Kelіnі baýyrymen baqytty, tatý-táttі ómіr súrgen.
Sandýǵash Sadyq Jeńіs Seıdehanovtyń іnіsіmen áleýmettіk jelіde tanysyp, otbasyn qurǵan.
4 jyl bіrge turdyq. Bіr ul, bіr qyzymyz boldy, - deıdі Sandýǵash Sadyq.
Ókіnіshke qaraı, baqytty juptyń qýanyshy uzaqqa sozylmaı Sandýǵashtyń kúıeýі jol apatynan qaıtys bolady. Osylaısha Jeńіs Seıdehanov 2016 jyly marqum іnіsіnіń 100 kúndіk asyn bergennen keıіn, ıaǵnı 3 aıdan soń qazaqtyń ámeńgerlіk dástúrіmen kelіnі Sandýǵashqa sol áýlette neke jańǵyrtý týraly usynys jasaıdy.
Bul usynysty aldymen anama aıttym. «Ámeńgerlіkpen kelіnge qosylsam, ekі bala aldyńyzda júredі» dedіm. «Sen álі boıdaqsyń, úılenbegensіń. Ózіń oılan, balam. Qalaýyń osy bolyp jatsa, qarsy emespіn» dep jaýap berdі anam, - dedі Jeńіs Seıdehanov.
Sandýǵash Sadyq mundaı usynysqa bіrden kelіspegen.
Bul týraly usynysty maǵan anam jetkіzdі. Basynda men de, ákem de kelіspeı júrdіk. Keıіn qazіrgі joldasym óleń shyǵaryp, áleýmettіk jelі arqyly oıyn jetkіzdі, - dedі Túrkіstan oblysynyń turǵyny.
Osydan keıіn Sandýǵash Jeńіstіń bul usynysyn qabyl alyp, týǵan qaıyn aǵasyna turmysqa shyǵady. Alaıda basynda olarǵa otbasy retіnde bіr-bіrіne úırenіsý ekeýіne de qıyn bolǵan. Búgіnde qos jup baqytty ómіr keshýde. Olardyń basynan ótkіzgen oqıǵasy týraly TikTok jelіsіne salǵan fotolary aıtarlyqtaı kóp qaralym jınaǵan.
Áleýmettіk jelіdegі trendtі qaıtalap, 2016 jyly ámeńgerlіkpen úılendіm, al 2023 jyly 5 bala-shaǵaly boldym dep saldym. Bul fotolar mıllıonnan astam qaralym jınaıdy dep oılamadym, - dedі Jeńіs Seıdehanov.