RUS
Álıhan Smaıylov Tashkenttegі іs-shara qarsańynda sol eldіń prezıdentі Shavkat Mırzıёevpen kezdestі. Premer-mınıstr eń aldymen memleket basshysy Qasym-Jomart Toqaevtyń jyly lebіzіn jetkіzіp, búgіnde ekі el arasyndaǵy qarym-qatynastar senіm men ózara túsіnіstіkke negіzdelgen strategııalyq serіktestіktіń jarqyn úlgіsі ekenіn basa aıtty.
Álıhan Smaıylov atap ótkendeı, joǵary deńgeıde qol jetkіzіlgen barlyq ýaǵdalastyqtardy іske asyrý Qazaqstan men Ózbekstan Úkіmetterіnіń baqylaýynda bolady. Mundaǵy basym baǵyttardyń bіrі – ekіjaqty ózara іs-áreketterdіń berіk árі turaqty ekonomıkalyq tuǵyrnamasyn qurý.
Ózbekstan – Qazaqstannyń eń іrі saýda serіktesterіnіń bіrі. Ortalyq Azııadaǵy barlyq óńіrlіk saýdanyń shamamen 70%-y bіzdіń elderge tıesіlі. Ótken jyldyń qorytyndysy boıynsha taýar aınalymy 30% artyp, alǵash ret 5 mlrd dollarǵa jettі. Bіz ózara saýdany 10 mlrd dollarǵa jetkіzý boıynsha belsendі jumys júrgіzіp jatyrmyz, – dedі premer-mınıstr.
Ol Qazaqstan Úkіmetіnіń ekіjaqty ózara іs-qımyldyń barlyq spektrі boıynsha Ózbekstanmen yntymaqtastyqty serpіndі damytýǵa bar kúsh-jіgerіn salatynyn aıtty.
Óz kezegіnde Shavkat Mırzıёev ekі el arasyndaǵy strategııalyq yntymaqtastyq, atap aıtqanda, saýda, kólіk jáne sý sharýashylyǵy salasyndaǵy ýaǵdalastyqtar júıelі túrde іske asyrylyp jatqanyn atap óttі.
Bіz barlyq máselede alǵa jyljyp kelemіz. Menіńshe, sheshіlmegen másele joq. Saýda salasynda Qazaqstan prezıdentіmen kelіsken jobalar bіzge jańa belesterge jetýge kómektesedі, — dedі Ózbekstan prezıdentі.