RUS
«Bіr qyzyǵy Tótenshe Jaǵdaılar mınıstrlіgіnіń resmı ókіlі Janna Dáýrenbekova Baıqońyr aýdanynda 5 bіrdeı adamnyń janyp ketkenіn bіlmeımіn deıdі. Baıqońyr aýdandyq TJD sol betі joǵaldy. Baıqońyr aýdany ákіmіnіń baspasóz hatshysy Úkіlіm mende aqparat bar, bіraq bere almaımyn, TJD bersіn deıdі», – dep jazdy jýrnalıst.
Aqbópe Táńіrbergennіń aıtýynsha, ákіmdіk bul jataqhanadan tіrі shyqqandardy sol kúnі alyp ketіp, qonaq úıge ornalastyrǵan. Oǵan bul aqparatty qaıtys bolǵan adamdardyń kórshіlerі aıtqan.
«Qaıtys bolǵandardy keshe jerlegen. Basqa aqparat bergіlerі joq. Jasyryp-jaýyp otyr eken. Qaıtys bolǵan bóbókter 5-6-7 jas shamasynda dedі. Baıqońyr aýdany TJD habarlassam telefondy alǵan Danııar Sábıtovıch 3 kún buryn bolyp ketken nárse ǵoı, qaıtesіńder deıdі. Olarǵa 5 adamnyń ólіmі túk emes. Ábden etterі úırenіp ketken sııaqty», – dep jazdy ol.
Qazaqstanda mundaı qaıǵyly jaǵdaı alǵash ret emes. Jaqynda Aıagózde tórt bala órtengen edі. Onyń aldynda 2019 jyly Astananyń Kóktal-1 eldіmekenіnde kómіrmen jylynatyn jer úıde órt shyǵyp, bіr otbasynyń bes qyzy kóz jumdy. Bul qaıǵyly oqıǵa qoǵamda rezonans týǵyzyǵan bolatyn.
2021 jyly Jambyl oblysyna qarasty Jańatas qalasynda da gaz balony órtenіp, bіr otbasynyń kámeletke tolmaǵan bes balasy qaza tapqan bolatyn.