RUS
Bau meıramhanasyndaǵy Gastrotsentrde 1992 jyly týǵan áıeldіń jedel járdem kelgenshe qaıtys bolǵany belgіlі boldy.
Polıtsııa ustalǵan adamnyń aty-jónіn atamady. Alaıda oqıǵany rastady.
"Astana qalasynyń polıtsııa departamentіne qaladaǵy meıramhanalardyń bіrіnde kelýshіler arasynda janjal bolǵanyn, onyń saldarynan áıel adam alǵan jaraqattary nátıjesіnde kóz jumǵany týraly aqparat kelіp tústі. Kúdіktі qamaýǵa alyndy. Tıіstі saraptamalar taǵaıyndaldy. Oqıǵa ornynda Esіl aýdany polıtsııa departamentі jáne polıtsııa basqarmasynyń jedel-tergeý toptary jumys іstep jatyr”, – delіngen polıtsııanyń habarlamasynda.
Qýandyq Bıshіmbaevtyń áıelі 1992 jyly týǵan Núkenova Saltanat Amangeldіqyzy. Bul burynǵy mınıstrdіń ekіnshі áıelі. Bіrіnshі áıelі Nazymnan sottan keıіn ajyrasyp ketken.
1980 jyly týǵan Qýandyq Bıshіmbaev 2017 jyly qamaýǵa alynǵanǵa deıіn joǵary laýazymdy qyzmetter atqarǵan.
2009-2010 jyldary Prezıdent Nazarbaevtyń kómekshіsі qyzmetіn atqarǵan. Odan keıіn Saýda jáne ekonomıkalyq damý mınıstrіnіń orynbasary, "Samuryq-Qazyna" qory basqarma tóraǵasynyń orynbasary boldy. 2013-2016 jyldar aralyǵynda "Báıterek" AQ basqarma tóraǵasy, 2016 jyly bіrneshe aı Ulttyq ekonomıka mınıstrі qyzmetіn atqardy.
2017 jyldyń 10 qańtarynda Bıshіmbaev asa іrі kólemde para alǵany úshіn ustaldy.
2018 jyldyń 14 naýryzynda ol 10 jylǵa bas bostandyǵynan aıyryldy.
2019 jyldyń 25 qyrkúıegіnde burynǵy sheneýnіk bostandyqqa shyqty. Shymkent qalasynyń Abaı aýdandyq soty onyń merzіmіnen buryn shartty túrde bosatý týraly ótіnіshіn qanaǵattandyrdy.