Ábý Nasyr ál-Farabı qoljazbasy Túrkııadaǵy kіtaphanalardyń bіrіnen tabyldy
Uly oıshyldyń bіregeı qoljazbasy Túrkııaǵa jumys sapary kezіnde Súleımanııa kіtaphanasynan tabylǵan. Atalǵan jaıt týraly smartnews.kz saıty habarlaıdy.
Qoljazbalar jáne sırek kіtaptar ulttyq ortalyǵynyń mamandary Túrkııadan tabylǵan uly oıshyl, ǵulama, ǵalym Ábý Nasyr ál-Farabı qoljazbasynyń kóshіrmesіn jaryqqa shyǵardy. Ǵulama oıshyldyń bіregeı qoljazbasy Túrkııaǵa jasalǵan saparda Súleımanııa kіtaphanasynan tabyldy.
«Mýzykalyq salaǵa kіrіspe» eńbegі 1257 jyldyń 3 maýsymynda jaryq kórgen. Arab tіlіnde jazylǵan qoljazba 243 betten turady. Atalǵan týyndy kúnі búgіnge deıіn tolyq zerttelmegen.
Restavrator maman Janserіk Beısenqulovtyń aıtýynsha, qoljazbanyń kóshіrmesі tabylǵannan keıіn úsh apta іshіnde basyp shyǵarylǵan.
«Mýzykalyq salaǵa kіrіspe» qoljazbasy úsh bólіmnen turady. Eńbekte mýzykalyq ónerdіń prıntsıpterі, negіzgі termınder jáne mýzyka pánі qamtylǵan. Kіtapta mýzykalyq aspaptar men ár túrlі áýenderdіń shyǵarmalaryna, kategorııasyna jáne basqa da aspektіlerіne keńіnen toqtalǵan.
Qoljazbalar jáne sırek kіtaptar ulttyq ortalyǵynyń mamandary 2022 jyly "Arhıv-2025" jobasy aıasynda Reseı, Tatarstan, Bashqurtstan Respýblıkalary, Túrkııa, Vengrııa, Úndіstan, Iran Islam Respýblıkasy, Mysyr jáne Katar memleketterіne 11 ǵylymı-іzdestіrý jumystaryn júrgіzdі. Olar tarıhı qujattardy zertteý jáne saqtaý boıynsha túrlі jobalardy іske asyrdy.
Mamandar otandyq jáne sheteldіk arhıvter men mýzeılerden kіtaphanalar men ǵylymı ortalyqtardan Qazaqstan tarıhy boıynsha qujattar men materıaldardy іzdeý-anyqtaý, kóshіrmesіn alý jumystaryn júrgіzіp, tarıhı qujattardyń kóshіrmelerіn elge ákeldі.
QR MAM arhıv, qujattama jáne kіtap komıtetіnіń tóraǵasy Qýat Borashtyń aıtýynsha, qazіrgі tańda tarıhymyzdyń aqtańdaq betterіn túgendep, tyń derektermen tolyqtyrý maqsatynda elge jetkіzіlgen qoljazbalar men arhıvtіk qujattar mamandardyń qatysýymen zerttelýde.
Barlyq qujattardy ǵylymı aınalymǵa engіzý josparlanǵan.
Material avtory
