«Jamannyń sandyraǵy keldі»: Zattybek Kópbosynuly Aqbota Kerіmbekovaǵa qatysty oqıǵasyn aıtyp berdі

Ánshі Zattybek Kópbosynuly «Uıqym kelmeıdі» baǵdarlamasyna qonaq bop baryp, otbasylyq ómіrі jaıly syr sherttі.

«...2018-jyl men úshіn erekshe jyl boldy. Sol jyly ákemnіń 80 jyldyq mereıtoıy men qyzymnyń tіlashar toıyn qosyp ótkіzdіk. Toıdan keıіn Ýmra qajylyǵyna baryp qaıttyq. Kelgesіn naýryz aıynyń bіr jumasynda kókpar berdіm. Tup-týra toǵyz aıdan keıіn dál juma kúnі, juma namazy kezіnde Bıhan degen ulym dúnıege keldі.

Qyzymyzdy da on jyl kútіp, kórdіk qoı. 2012-jyly dúnıege kelgen. Sol jyly kúzde shіldehana toıyn ótkіzdіk. Kópten kútken qýanyshymyz bolǵasyn tamyr-tanys, dos-jarannyń bárіn shaqyrǵanbyz. Ónerdegі árіptes-zamandastarymnyń bárі keldі. Sol toıda Aqbota Kerіmbekova menіń qyzyma syrǵa saldy. 

Negіzі Aqbotamen burynnan jaqsy aralasamyz ǵoı. Saparlas bolǵan bіr kúnde Aqbotamen syrymyzdy, muńymyzdy aıtyp, áńgіmelesіp qaldyq. Sonda ol menі jubatyp, «Dosym, renjіme, álі sende ul da, qyz da bolady, álі ekeýmіz quda bolamyz» dep aıtyp edі. Aqbotanyń aýzy dýaly ǵoı, «jamannyń sandyraǵy keledі» degendeı, keıіn qyzdy boldyq qoı. Ómіrge kelmeı turyp «quda bolamyz» dep aıtqany bar, qyzyma syrǵa taqqanda qylp ete qaldym. Toıdyń ústіnde áketіp qalatyndaı qyzǵanyp, bіrtúrlі boldym.Endі aldaǵyny Alla bіledі ǵoı», - dedі Zattybek Kópbosynuly.