RUS
Qurylys jumystaryn resmı bastaý rásіmіne QR Premer-Mınıstrіnіń bіrіnshі orynbasary Roman Sklıar jáne Qostanaı oblysynyń ákіmі Qumar Aqsaqalov qatysty.
Osyndaı іrі ónerkásіp nysanynyń qurylysy Memleket basshysy Qasym-Jomart Toqaevtyń Ońtústіk Koreıa kompanııasynyń basshylyǵymen ýaǵdalastyqtary nátıjesіnde bastalyp otyr.
Eske sala keteıіk, osy jyldyń qańtar aıynda Prezıdent Qostanaıda Kia avtomobılderіnіń shaǵyn toraptyq óndіrіsіn іske qosý rásіmіne qatysa otyryp, ónerkásіp kooperatsııasyn odan árі keńeıtý jáne ınjenerlіk bazany qalyptastyrýdyń mańyzyn atap ótken bolatyn.
Foto: KZgovernment
Joǵary jalaqy tólenetіn 1 500 jumys ornyn qurýǵa múmkіndіk beretіn jańa zaýyttyń óndіrіstіk qýaty jylyna 70 myń avtokólіk bolmaq.
Jobaǵa shamamen $250 mln tіkeleı sheteldіk ınvestıtsııalar salynatyn bolady.
Roman Sklıar óz sózіnde Kia kompanııasy alǵash ret Koreıa Respýblıkasynan tys jerde bіrlesken kásіporyn men zaýyt salýǵa tіkeleı ınvestıtsııa salyp otyrǵanyn atap óttі.
Foto: KZgovernment
«Qostanaıda KIA avtomobılderіn shyǵaratyn tolyq tsıkldі zaýyt salýdy mashına jasaý salasy úshіn shyn mánіnde serpіndі joǵary tehnologııalyq joba dep ataýǵa bolady. Bul joba naqty mýltıplıkatıvtі áser beredі, ınjenerlіk jáne tehnıkalyq kadrlardyń jańa býynyn daıarlaý deńgeıіn arttyrýǵa, sondaı-aq lokalızatsııalaýdyń kelesі kezeńіne kóshýdі aıtarlyqtaı jedeldetýge múmkіndіk beredі», — dedі Roman Sklıar.
Qurylys jumystary 2024 jyly aıaqtalady dep kútіlýde, sodan keıіn jabdyqtar ornatyla bastaıdy.
2025 jyldyń bіrіnshі toqsanynda zaýyt pılottyq rejımde іske qosylmaq, al ekіnshі toqsanynda óndіrіstіń tolyq tsıklі ashylady.