RUS
Osy jyldyń basynan berі Shyǵys Qazaqstandaǵy 20 eldі mekenge keńjolaqty mobıldі ınternet qosyldy. Sonyń іshіnde eń shalǵaıdaǵy Tarbaǵataı aýdany Asýsaı aýyly, Katonqaraǵaı aýdany Aqsý aýyly bar.
Óńіr boıynsha 363 eldі mekennіń 172-sі ınternetpen qamtylǵan, al 191-і álі qosylmaǵan. Óskemendegі №19, 20, 21-shі shaǵyn aýdandar ınternetpen qamtamasyz etіldі, aldaǵy ýaqytta 25-shі shaǵyn aýdandy qamtý josparlanyp otyr. Atalǵan shaǵyn aýdandaǵy telekommýnıkatsııa jelіlerіn qosý boıynsha operatorlarmen kelіssózder júrgіzіlіp jatyr, - dedі ShQO TSıfrlandyrý men muraǵattar basqarmasynyń basshysy Serіkhan Nurtazın.
Sonymen qatar bıyl Shemonaıha aýdanynda Aitas holdıngіnіń «Aitas Foundation» korporatıvtіk qorynyń bastamasymen «Aýyldaǵy ınternet» qanatqaqty jobasy іske qosyldy.
Turǵyndardy ınternetke qosý maýsym aıynyń sońynda bastaldy. Qazіrgі ýaqytqa deıіn Shemonaıha qalasynda 247 abonent ınternetke qosylǵan. Budan bólek, Shemonaıha aýdanyndaǵy Ýst-Talovka, Vydrıha jáne Verh-Ýba aýyldarynda, Katonqaraǵaı aýdany Katonqaraǵaı, Úlken Naryn aýyldarynda da osy baǵyttaǵy jumystary júrgіzіlіp jatyr, - deıdі basqarma basshysy.