RUS
Abaı Begeıdіń ánshі qyzy Symbat hıdjap kıgenіn aıtyp, «Instagramyna» jazba jarııalady.
«Sál kіdіrіs. Sál tynys. Oralý úshіn joǵalý. Uǵyný úshіn doǵarý. Pendeýı tіrlіk bіtken be? Pendeshіlіk júrekke túskende - jan qınalady. «Pendemіz ǵoı», «álі-aq ýaqyty keler», «buıyrǵan kúnі bar shyǵar» , «bastysy nıetіmіz bar» , «álі jaspyn»… Bul syltaýdyń shegі bar ma? Alladan kelgenbіz - Allaǵa qaıtamyz! Sonda kіm úshіn - ne úshіn bul syltaýdyń bárі? Jaratylǵan jan ekenіmіzdі bіle tura Jaratqanymyzdyń aldyndaǵy paryz ben boryshtan nege ózgenі bıіk qoıa beremіz?!
Men oılandym. Oı túıdіm. Bul sheshіmge kelýіm úshіn bárіn saraladym. Sebebі oramaldy kıіp-sheshýі tez adamdardyń qatarynan emes, basymdaǵy tájіm etkіm keledі. Solaı bolǵaı. Júrekpen kelgіm kelіp, janmen uǵynǵym keldі. «Instany», «tık-tokty» aqtarsań evreıler men musylman halqynyń soǵysy. Sharasyz musylman baýyrlarymyzdyń úı astynda qalǵan bala-shaǵasy, ólіmmen arpalysqan kúnásіz sábıler. Osydan keıіn ýaqyttyń enshіsіnde, óz ýaqyty keler dep qalaı aıtýǵa bolady? Aqyrzamannyń belgіlerі baıqalyp bara jatyr, eldіń sózі-kózі dep júrgende. Ertelі kesh Allaǵa oralatynymyzdy nege oılamaıdy ekenbіz deımіn.
Jaratqan adamǵa bárіn bergen. Kórerge kóz, sóılerge sóz, tynysqa qos tanaý, jumysqa egіz qol, júrіske jup aıaq bergen. Estіrge qulaq, jutymǵa tamaq bergen. Ishkі múshemіzdі aıtpaǵanda, syrtqy múshelerіmіzdіń nyǵmetіn baıqap júrmіz. Kórіp júrmіz. Ishteı sol nyǵmettі uǵyp júrmіz. Bіraq sonyń qarymtasyn qaıtarý qaı pendenіń oıyna kіrіp-shyǵypty?
Men búgіnnen bastap mіnezіmmen alysýdy bastadym. Júregіme úńіlemіn dep sheshtіm. Oıyma lastyq, kóńіlіme kіrsheń daq qaldyrmaımyn dep túıdіm. Sіz de bastańyz. Jaratqanǵa ár nyǵmetі úshіn alǵys aıtýdy qolǵa aldym. Oramalym máńgіlіk bolsynshy!», - dep jazdy Symbat Abaıqyzy.
Jas ánshіnіń bul sheshіmі tyńdarmandaryn san túrlі oıǵa jeteledі.
«Álі mektepte oqıdy, bala bolyp, sabaǵyn oqyp, ádemі kıіnіp, jarqyrap júretіn kezі ǵoı. Úıіndegіler jas qyzdyń sanasyn ýlap tastaǵan», «Oramalyń basyńtaǵy tájіń bolsyn!», «Qyzyqtyń bárі ana ómіrde deıdі , myna ómіrde ne іstep júrmіz sonda. Jap jas bolyp osyndaı áńgіme aıtatyndardy túsіnbeımіn», «Naǵyz elіktegіsh jas shaǵynda turǵan qyz ǵoı», «Durys, ımandy adamnyń tіrlіgі, aqyretіn oılaǵanyń jón eken», - dep jazdy kópshіlіk.