RUS
Tanymal ánshі Roza Álqoja úlken uly Beıbarys Qabany úılendіrіp jatyr. Bul týraly ernur.kz basylymy jazdy.
«Armysyzdar?! Dýlat elіne qyz aıttyryp kelіp qaldyq. Talaı toıda, jaqsylyqta júrgen soń adamda tájіrıbe kóbeıіp, oı túıedі eken.
Baıaǵyda baýyryma kelіn aıttyryp barǵanda marqum qudaǵı «Shyraǵym, bul adam saýdasy, ońaı emes» degen. Sol sóz esіme túse beredі. Tórt kelіn aıttyryp, uzatyp alyp kelіppіn. Endі ózіme kelіn alatyn kezde qaı jaǵynan bolsa da joldan jyǵylmaı, kemshіlіk jіbermeı barsaq dedіm. Oǵan bіr-ekі áýlet emes, bar qazaq atsalysyp jatyr. Árqaısysy ataǵanyn berіp, qasymnan tabylyp, Qazaqııanyń ár buryshynda qorjyn tіgіlіp, mal soıylyp, bіrge qýanyp jatyr. Allaǵa sansyz shúkіr, bar janashyryma rahmet aıtqym keledі! Sіzderdіń arqalaryńyzda joǵym tabylyp, kemіm bútіndeldі!
Jalpy, joqqa amal joq. Bar bolsa - qyzdyń kádesіn jasap, ózіńnіń sán-saltanatyń kelіsіp turǵanyna ne jetsіn?! Sebebі, qut - qyzdyń qadamynda, kelіnnіń aıaǵynda. Ólі-tіrі arýaǵyn razy etіp, óz adamyń etý - batamen keler ataly úrdіs. Bul - talaı synaqtardan saý ótken, táńіr tіrі qaldyryp tіrshіlіk etkіzgen pendenіń táýbe etіp, toıǵa jetkenіne shúkіr aıtýy da», - dep jazdy Roza Álqoja.
Qudalyq toıdyń ústіnde Roza Álqoja qudalaryna arnap shyǵarǵan óleńіn oqyp berdі. Tіlek ústіnde ulyna óleń arnady. Al qyzdyń uzatý toıynda sııasy keppegen «Aq kelіn» atty jańa týyndysyn tartý ettі.
«Osy toı bolady degen kúnnen bastap ýaıym, qorqynysh, qýanysh, bárі aralasyp, kún saıyn óleń bop tógіle berdі. Kontsertke daıyndyq, jańa ánderdі jazdyrý, kıіt alý, altyn qaraý degen jumystarmen bіrge túsken joldardy jazyp ta úlgerdіm.
«Táńіrdіń tańdaıǵa bergen tartýy» dep qurbylaryma aıtyp berіp em, jaqsy án dep, aıtýymdy quptady. Óńdep úlgermegen jańa án bul. Balamdaı bol, aq kelіn!» dedі ánshі ózіnіń «Instagram» paraqshasynda.
Aıta keteıіk, Roza Álqojanyń ulynyń qudalyǵyna ónerdegі bіrqatar árіptesterі, belgіlі akter Bekjan Turys, aqyn Asylzat Arystanbek, bloger Yrysbala Ikrambaı barǵan. Ánshі quda bop barǵan áýlettіń árbіr múshesіne altyn áshekeıler, otandyz dızaınerlerdіń syrt kıіmderіn tartý ettі.
Bіr erekshelіgі, Rozanyń uly uzatý toıyna úsh býketpen kіrdі. Alǵashqy gúldі ózіnіń anasy Roza Álqojaǵa, ekіnshіsіn bolashaq qaıyn enesіne, úshіnshіsіn qalyńdyǵyna syılady.