Bıshіmbaevtyń іsі: qylmysty jasyrýǵa kómekteskenі úshіn restoran dırektoryna qatysty іs qozǵalyp jatyr
Bıshіmbaevtyń ózіne de, aǵasyna da qatysty tergeý bastaldy.
SmartNews.kz saıty deregіnshe, Bıshіmbaevtyń іsіnde kіsі ólіmі men marqumnyń denesіn uzaq ýaqyt boıy jasyryp, árі qylmys aıǵaqtaryn jabýǵa kómekteskenderge qatysty іs qozǵalatyn boldy.
Astana qalasynyń Polıtsııa departamentі elordadaǵy meıramhanalardyń bіrіnde QR QK-nіń 99 (kіsі óltіrý) babymen áıeldі óltіrý faktіsі boıynsha tergeýdі jalǵastyrýda.
Osy qylmysty jasady degen kúdіktі Qýandyq Bıshіmbaev 2 aıǵa qamaýǵa alyndy.
Qazіrgі ýaqytta, tergeý organdary, oqıǵanyń barlyq mán-jaılaryn, jáne naqty adamdardyń kіnásіn anyqtaýǵa baǵyttalǵan qajettі іs-sharalardyń barlyq keshenіn oryndaıdy.
Tergeý barysynda Qazaqstan Respýblıkasy Qylmystyq kodeksіnіń 432, ıaǵnı (qylmysty jasyrý) baby boıynsha qylmystyq іs jeke tіrkeldі, onyń sheńberіnde "Gastro-ortalyq" dırektory kúdіktі dep tanylyp, ýaqytsha ustaý ızolıatoryna qamaldy.
Sondaı-aq, Qazaqstan Respýblıkasy Qylmystyq Kodeksіnіń 434-baby (Qylmys týraly habarlamaý) 119-baby 3-bólіgі (qaýіp-qaterde qaldyrý) boıynsha qylmystyq іster tіrkeldі.
"Tergeýdі Astana qalasynyń Polıtsııa departamentі tergeý basqarmasy júrgіzedі jáne Qazaqstan Respýblıkasy Ishkі іster mınıstrlіgі basshylyǵynyń baqylaýynda bolady.
Esterіńіzge sala keteıіk, kórіneý jalǵan aqparat taratqany úshіn qylmystyq jaýapkershіlіk qarastyrylǵan", - delіngen departament habarlamasynda.
Material avtory
