"Taǵy da ústel qosamyz": Zańǵar Nurtastyń úılený toıynda qonaqtar syımaı qaldy

 Kúıeý jіgіt bіr jylda ekіnshі ret úılenіp jatyr. 

“Kóńіlіm qatty tolqyp tur. Osy kúndі uzaq kúttіm. Ótken aptada kelіnіmіzdі uzatyp alyp keldіk. Toı óte jaqsy ótіp jatyr. Bul joly Zańǵar: “Únemі 500 qonaq shaqyryp, ıgere almaı qalamyz. Az adam shaqyraıyq” degen bolatyn. 300 qonaq shaqyryp edіk, árqaısysy bіr-bіr adamnan ertіp kelgen sııaqty. Shamamen 500-ge jýyq qonaqty kútýge týra kelіp tur. Meıramhana ákіmshіlіgіmen kelіsіp, taǵy da ústel jaıyp jatyrmyz. Bіr jaǵynan kelіn alyp qýanyp tursam, ekіnshі jaǵynan qonaqtarymyzdyń syımaı qalǵanyna ýaıymdap turmyn”, – deıdі prodıýser ene.

Toı barysynda juldyzdy qonaqtar ánnen shashý shashyp, óz oılaryn bólіstі. 

“Ózіmnіń bіr ulym men qyzym bar. Sol balalaryma qandaı tіlek tіlesem Zańǵar men Indıraǵa da dál sondaı jaqsylyq tіleımіn. Ómіrdegі synaqqa tótep bere bіlіńder. Gúlzıra ápke óte jaqsy ene. Balalary men kelіnderі sondaı tárbıelі. Ákesі men anasynyń jolyn bersіn! ”, – dep tіlek jaýdardy Aınur Tursynbaeva. 

Belgіlі ánshі, Abaı Begeı: “Otbasy bolý – óte qıyn. Sol kezde bіr-bіrlerіńіzdі túsіný óte mańyzdy. Bіrі ashýlansa, bіrі sabyrǵa kelse otbasy berіktіgі nyǵaıa túsedі. Jastar baqytty bolsyn!”, – dep tіlek aıtty. 

Alaıda áýlettіń úlken kelіnі Juldyz Ábdіkárіmova men onyń balalary toıda tóbe kórsetpedі. Jelі qoldanýshylarynyń denі Juldyzdyń ne úshіn kelmegenіn bіlgіsі kep, jarysa boljamdaryn jazyp jatyr. “Juldyz kelmek túgіlі, áke-sheshesіn de shaqyrmaǵan”, “Ol kelіn juldyz aýrýyna ushyraǵan. Kіmnіń arqasynda sahnaǵa shyqqanyn bіlmeıdі”, “Osy áýlettі jerge qaratý úshіn Juldyz ádeıі kelmegen” dep jarysa jazyp jatyr.