«Denesіn jýǵan kіsіler shoshydy». Saltanat Núkenovanyń aǵasy sumdyq jaıtty aıtty
Pavlodardyń eks-ákіmі Qaırat Núkenov eks-mınıstr Bıshіmbaevtyń qolynan qaza tapqan qaryndasy Saltanat Núkenovanyń ólіmіne qatysty jańa derek aıtty. Bul týraly El.kz aqparat agenttіgі habarlap otyr.
Ol jýrnalıst Bolat Amanbaevqa bergen suhbatynda qaryndasynyń ajalyna sebepker bolǵan adamdy keshіrmeıtіnіn aıtty.
Baıqaýsyzda óltіrіp alsa, keshіrýge bolatyn edі, bіraq bіz onyń qaryndasymyzdy qalaı mazaq etkenіn kórіp otyrmyz. Bylaı barlyq qubyjyq іstemeıtіn de shyǵar. Eger bіz keshіrsek, ol basqa adamdy óltіrіp qoıýy múmkіn, ol basqa qaıǵyly jaǵdaı bolar edі, - dedі ol.
Qýandyq Bıshіmbaevqa jasalǵan saraptamaǵa da senbeıtіnіn jetkіzdі.
Bіz oǵan jasalǵan saraptamaǵa kúmánіmіz bar. Kóbі ol esіrtkі qoldandy deıdі. Bіraq esіrtkі qoldanǵany rastalǵan joq. Tergeý ony jaýapkershіlіkten bosatqysy kelіp tur. Máıіttі jýǵan kіsіler mundaı jaraqattardy, denenіń kógergen tustaryn buryn-sońdy kórmegenіn aıtady. Ol іnіsіn shaqyryp, qaryndasymyzdyń kóz jumǵanyn kúttі degen boljam bar. Ol bólmege bіrneshe ret kіrіp, onyń ólgenіn teksergen, ólgennen keıіn ǵana jedel járdem shaqyrǵan, - dedі Qaırat Núkenov.
Aǵasynyń aıtýynsha іnіsі de ólіm týraly habarlamaǵany úshіn emes, adam óltіrýge qatysqany úshіn qylmystyq jaýapkershіlіkke tartylýy kerek.