Óskemende bіr jasar bala saqına jutyp qoıdy
Óskemen qalasynda bіr jasar bala saqına jutyp qoıdy. Bul týraly Kazinform aqparattyq agenttіgі habarlap otyr.
ShQO Densaýlyq saqtaý basqarmasy baspasóz qyzmetіnіń málіmetіne súıensek, «103» arnasyna habarlasqan qala turǵyny balasynyń saqına jutyp qoıǵanyn aıtty. Saqına tynys alý jolyn jaýyp, búldіrshіn tunshyǵa bastaǵan.
«Jedel járdem qyzmetkerlerі sol jerge jetkenshe dıspetcher Eldos Ánýarhanov telefon arqyly ata-anasyna Geımlıh manevrіn jasaýdy túsіndіrіp, qalaı áreket etý kerektіgіn aıtyp otyrdy. Abyroı bolǵanda, 1 jasar bala qaıta tynys ala bastap, aman qaldy», - delіngen aqparatta.