RUS
Aqordanyń baspasóz qyzmetіnіń habarlaýynsha, Berіk Asylov zańsyz ıemdenіlgen aktıvterdі qaıtarý úshіn qabyldanyp jatqan sharalar jáne osy maqsatta jańadan qurylǵan Komıtettіń qyzmetі týraly baıandady. Bas prokýrordyń aıtýynsha, Komıtet shetelge shyǵarylǵan aktıvterdі іzdeý, zańsyz shemalardy áshkereleý úshіn jasandy ıntellektіnі paıdalaný arqyly IT tehnologııalardy qoldanady.
Memleket basshysyna mańyzdy ınvestıtsııalyq jobalardy quqyqtyq turǵydan qoldaý jumystary jónіnde aqparat berіldі. Quramyna Syrtqy іster mınıstrlіgі, «Qazaq-Invest» UK» AQ, «Atameken» UKP ókіlderі jáne Bıznes-ombýdsmen kіretіn arnaýly Vedomstvoaralyq komıssııa ınvestıtsııalyq ahýaldy jaqsartýǵa baǵyttalǵan alǵashqy sharalardy ázіrledі. Prokýrorlar 900-den astam ınvestıtsııalyq jobany baqylaýǵa aldy. Qazіrdіń ózіnde 41 ınvestordyń túıtkіldі máselelerі sheshіmіn tapty.
Prezıdentke ınvestıtsııanyń qaýіpsіzdіgіne kepіldі kúsheıtý úshіn ınvestıtsııalyq jobany júzege asyrýdyń búkіl protsesіn naqty ýaqyt rejımіnde baqylaýda ustaýǵa múmkіndіk beretіn tsıfrlyq sheshіmder engіzý, sondaı-aq memlekettіk organdardyń bızneske qatysty negіzgі sheshіmderіn prokýrormen kelіsý usynyldy.
Sonymen qatar Qasym-Jomart Toqaevqa úsh býyndy model aıasynda kásіpkerlerdі qylmystyq qýdalaý 3 ese qysqarǵany (614-ten 204-ke deıіn) jónіnde málіmet berіldі. Jalpy, elіmіz boıynsha 1041 tulǵanyń negіzsіz qylmystyq qýdalaýǵa tartylýyna jol berіlgen joq. Konstıtýtsııalyq quqyq buzýshylyqtar sany 29 paıyzǵa qysqardy (310-nan 222-ge deıіn).
Budan bólek, Prezıdentke azaptaýǵa qarsy іs-qımyl sharalary jónіnde baıandaldy. Mundaı áreketterdіń aldyn alý úshіn 54 túzetý mekemesіnde 29 myń beınekamera ornatylǵan, sáıkesіnshe azaptaý faktіlerіne shaǵymdaný da 94-ten 17-ge deıіn azaıǵan.
Sondaı-aq Bas prokýror qoǵamda rezonans týdyrǵan qylmystardyń tergelý barysy jónіnde esep berdі. Atalǵan máselelermen qatar, halyqaralyq yntymaqtastyq baǵytynda atqarylǵan jumystardyń nátıjesі tanystyryldy. Atap aıtqanda, bıyl shetelden aýyr jáne asa aýyr qylmys jasady dep aıyp taǵylǵan 40 adam ekstradıtsııalandy. Jalpy Qazaqstan qylmystyq-quqyqtyq sala boıynsha alys sheteldіń 34 memleketіmen 74 shartqa qol qoıdy.
Kezdesý sońynda Qasym-Jomart Toqaev elіmіzdіń tynys-tіrshіlіgіne qatysty barlyq salada zańnyń saqtalýyn qamtamasyz etý іsіn kúsheıtý qajet ekenіne nazar aýdardy.