RUS
QR Týrızm jáne sport mınıstrlіgі Sportty damytý dırektsııasynyń baspasóz qyzmetі málіmetіnshe, jalpy esepte 1-oryn alǵan Qazaqstan quramasynyń qorjynynda 8 altyn, 8 kúmіs pen 14 qola medal bar. Ekіnshі orynda Iran (3 altyn, 2 kúmіs, 3 qola), odan keıіn 2 altyn júldemen Bіrіkken Arab Ámіrlіkterі tur. Chempıonatqa 10 elden 140-qa jýyq sportshy qatysty. Atap aıtqanda: Germanııa, Úndіstan, Iran, Qazaqstan, Kýveıt, Qyrǵyzstan, Reseı, Túrіkmenstan, Saýd Arabııasy, Bіrіkken Arab Ámіrlіkterі.
Dodanyń sońǵy kúnіnde komandalyq synda júldelі oryndar sarapqa salyndy. Kýmıte baǵdarlamasynda Qazaqstan erler komandasy altyn, al áıelder qola júldege ıe boldy. Básekede altyn medaldі Ulmeken Jalǵas (68 kelіden joǵary), Samasheva Bella (55 kg), Daıana Darenskaıa (61 kg), Dıas Anarbekov (84 kelіden joǵary), Jolaman Bıǵabyl (60 kg), Ersultan Táńіrbergen (67 kg), Dıas Ulbek (84 kg) jeńіp aldy.
Kúmіs júlde kata boıynsha Lııa Qoshqarbaeva, Mádı Kateshov, kýmıteden Áıgerіm Tursynbekova (50 kg), Gúlmıra Úsenova (61 kg), Nıkol TSengel (61 kg), Darhan Tımralıev (60 kg), Ábіlmansur Batyrǵalıǵa (75 kg), Aıdos Muhatqa (67 kg) buıyrdy.
Sondaı-aq Erdos Kenjeǵalıev (kata), Arına IAkýbına (68 kelіden joǵary), Alına Sultanova (50 kg), Aqnıet Sherızat (50 kg), Aıjan Bakırova (61 kg), Venera Jaqsybaeva (68 kg), Mılana Vlasenko (68 kg), Aıbek Sharap (60 kg), Damır Nurbergen (75 kg), Azamat Marat (75 kg), Nıkıta Tarnakın (84 kg) qola enshіledі.