10 jastaǵy qazaq balasy alǵash ret qara belbeýdіń I dan ıegerі atandy
Astanadaǵy ekonomıkalyq lıtseıdіń 4-synyp oqýshysy Erasyl Qabylbek 10 jasynda taekvondodan qara belbeýdіń I dan ıegerі atandy. Bul týraly smartnews.kz saıty habarlap otyr.
Týrızm jáne sport mınıstrlіgіnіń habarlaýynsha, Erasyl qara belbeýdіń I dan ataǵyn Halyqaralyq taekvondo federatsııasynyń prezıdentі, qara belbeýdіń IX dan ıegerі Sı Djon Oh tóraǵalyq etken komıssııanyń attestatsııasynan ótіp aldy.
Erasyl Qabylbek sporttyń osy túrіmen 3,5 jasynan berі aınalysady. Ol 2021 jyly Belarýstіń Mınsk qalasynda Álem kýbogy úshіn ótken chempıonatty jeńіp alyp, Ońtústіk Koreıada jalaýy jelbіregen Álem kýbogy úshіn chempıonattyń kúmіs júldegerі atanǵan. Sonymen bіrge ol – Qazaqstannyń bіrneshe dúrkіn, Azııanyń absolıýttі chempıony.
Atap ótetіn bіr nárse, Halyqaralyq taekvondo federatsııasynyń tártіbі boıynsha qara belbeý 13 jastan bastap berіledі. Bіraq federatsııa qazaq balasynyń sporttaǵy jetіstіgі men taekvondomen aınalysýǵa bólgen ýaqytyn eskerіp, oǵan qara belbeýdіń I dan ıegerі ataǵyn berýdі uıǵardy.