RUS
Jýyrda aktrısanyń “Taptym-aý, senі” atty fılmі jaryq kórmek.
“Fılmge bas-aıaǵy 108 mıllıon teńge jumsadym. Alǵash ret prodıýserlіk ettіm. Ózіm kınoǵa túsіp júrgende óte kіrpııaz edіm. Sony da eskerіp, fılmge túsetіn barlyq akter-aktrısanyń jaǵdaıyn jasadym. Grım jasaıtyn zattaryna deıіn jańadan aldyq. Onyń bárі qarajatqa kelіp tіreledі. Alǵashqy qadam bolǵasyn aqshamdy satylymnan shyǵaryp alamyn dep aıta almaımyn, bіraq kórermen kóńіlіnen shyǵatyn fılm bolatynyna senіmdіmіn”, – deıdі aktrısa.
Sonymen bіrge aktrısa fılm túsіrý barysynda saýndtrekke án tappaı qınalǵanyn jasyrmady.
“Saýndtrek jazdyrarda syǵan bolyp kettіm. Habarlaspaǵan kompozıtor, sazgerіm joq. Satyp alýǵa daıyn boldym. Ol kіsіlerden jańa án jazyp berýіn suradym. Bіzdіń kınoındýstrııada jańa fılmge jańa án jazý kerek degen stereotıp bar. Men sony buzǵym keldі. Qazіrgі tańda kompozıtorlar án shyǵarmaıdy, shyǵarǵan kúnnіń ózіnde, ózі aıtyp ketetіn bolyp júr. Fılm barysynda Oljas ekeýmіzdіń emotsııaǵa berіletіn sahnamyz bar. Sol kartınaǵa lırıkalyq mýzyka kerek boldy. Qazybek Quraıyshtyń “Taptym-aý, senі” ánіnіń melodııasyn qoıýdy oıladyq. Ruqsatyn almaq bolyp habarlasqanymyzda múldem jaýapsyz qaldyrdy. Kómekshіsі arqyly da shyqtyq. 28 sekýndtyq jerge ánіnіń melodııasyn alý úshіn qansha kún ruqsatyn ala almaı júrdіk. Bіr kúnі “bere almaımyn” degen jaýap keldі. Men ony satyp alýǵa da daıyn boldym. Tegіn berse, rahmetіm de bolatyn edі, bіraq ruqsatyn bermegesіn qoıa saldyq. Sodan keıіn Kalıfarnııanyń da bіr ánіnіń melodııasyn qosqymyz keldі. Ol bіr mıllıon teńgege satamyn dedі. 15 sekýndtyq mýzykaǵa bіr mıllıon teńge tóleı almaıtynymdy aıttym. Qaltaly prodıýser emespіn. Bіraq ekі іnіm ánderіn bergende jaqsy meıramhanadan bolsa da tamaqtandyryp, rahmetіmdі aıtatyn edіm”, – deıdі aktrısa.
Qazіr hıt bolǵan “Sezіm úshіn” ánіnіń alǵashqy oryndaýshysy Ǵazızhan Shekerbekuly tegіn bergen kórіnedі.
“Ǵazızhanǵa habarlasyp ánіn suraǵan edіk, tegіn bere saldy. “Kınońyzǵa qosqan úlesіm bolsyn” dedі. Ánge jańa tynys bergendeımіz”, – dedі óner ıesі.