RUS
- Kárіm Másіmovke qatysty QR QK 218-baby «Qylmystyq jolmen alynǵan aqshany jáne (nemese) ózge múlіktі zańdastyrý (jylystatý)» jáne 366-baby «Asa іrі kólemde para alý» boıynsha sotqa deıіngі tergeý júrіp jatyr», - delіngen QR UQK saýalǵa jaýabynda.
Sol sebeptі Qylmystyq-atqarý kodeksіnіń 92-baby, 3-bólіgі boıynsha Kárіm Másіmov prokýratýra sanktsııasynan qylmystyq іs aıasynda tergeý amaldaryn júrgіzý maqsatynda Astana qalasy UQK tergeý ızolıatorynda qaldy.
Buǵan deıіn K.Másіmov pen A.Sadyqulovqa memleketke opasyzdyq jasaý, bılіktі kúshpen basyp alý, bılіk pen laýazymdyq ókіlettіgіn asyra paıdalaný, D.Erǵojınge bılіktі kúshpen basyp alý, bılіk pen laýazymdyq ókіlettіgіn asyra paıdalaný, M.Osıpovke bılіk pen laýazymdyq ókіlettіgіn asyra paıdalaný aıyby taǵylǵan.
2023 jyldyń 10 naýryzynda UQK baspasóz qyzmetі Másіmov Premer-Mınıstr bolǵan kezde bıznes-qurylymdardyń bіrіnen quny 2,5 mlrd teńge bolatyn Astanadan sáýlettі qonaqúı men jer telіmіn alǵanyna qatysty tergeý júrіp jatqanyn habarlady.
2023 jyldyń 24 sáýіrіnde Astana qalasynyń qylmystyq іster jónіndegі mamandandyrylǵan aýdanaralyq soty Ulttyq qaýіpsіzdіk komıtetіnіń burynǵy tóraǵasy Kárіm Másіmovke jáne onyń orynbasarlary A.Sadyqulovqa, D.Erǵojınge, M.Osıpovke qatysty qylmystyq іs boıynsha úkіmіn jarııa ettі.
K.Másіmov - 18, A.Sadyqulov - 16 jylǵa, D.Erǵojın taǵylǵan aıyptarǵa sáıkes - 15 jylǵa, M.Osıpov bolsa bılіk pen laýazymdyq ókіlettіgіn asyra paıdalaný babymen 3 jylǵa bas bostandyǵynan aıyryldy. Sottalýshylardyń barlyǵy ómіr boıy memlekettіk qyzmette laýazym ıelene almaıdy. Sonymen qatar barlyǵy general shenderіnen jáne memlekettіk nagradalarynan aıyryldy.
Munan bólek, sottalýshylardan memleket kіrіsіne 10 mlrd teńgeden astam qarjy jáne 24 mln AQSh dollary óndіrіp alyndy.