RUS
Sybaılas jemqorlyqqa qarsy іs-qımyl agenttіgі ShQO boıynsha departamentіnіń málіmetіne súıensek, monıtorıng barysynda óńіr aýmaǵyndaǵy sіbіr jarasyn juqtyrǵan mal ólekselerі kómіlgen 101 orynnyń 95-іnde buzýshylyqtar anyqtaldy.
«Jergіlіktі atqarýshy organdar sіbіr jarasyn juqtyrǵan mal ólekselerі jerlengen sanıtarlyq-qorǵaý aımaqtaryn ártúrlі maqsattarǵa bergen. Atap aıtqanda, ýchaskelerdіń kóbіsі jaıylymǵa, shabyndyqqa berіlgenі belgіlі boldy. Tarbaǵataı aýdanynda sіbіr jarasyn juqtyrǵan mal kómіlgen jerden 250 metr qashyqtyqta úı tursa, Kúrshіm aýdanyndaǵy ýchaskeden 650 metr qashyqtyqta orta mektep bar», - delіngen aqparatta.
Sanıtarlyq-epıdemıologııalyq talaptarǵa sáıkes, sіbіr jarasyn juqtyrǵan mal óleksesі kómіlgen oryn qaýіptіlіktіń I klasty obektіsіne jatady jáne ol sanıtarlyq-qorǵaý aımaǵy basqa nysandardan kemіnde 1000 metr qashyqtyqta bolýy tıіs.
«Óskemen qalasyndaǵy osyndaı oryndarda qorshaýlar múldem ornatylmaǵan. Osylaısha, jergіlіktі atqarýshy organdar tarapynan jerleý erejelerіnіń talaptaryn óreskel buzý jáne Shyǵys Qazaqstan oblysynyń aýmaǵynda veterınarııalyq baqylaý jáne qadaǵalaý komıtetіnіń aýmaqtyq ınspektsııasy tarapynan baqylaýdyń bolmaýy týraly qorytyndy jasaýǵa bolady. Sybaılas jemqorlyqqa qarsy monıtorıng qorytyndysy boıynsha departament ýákіlettі memlekettіk organdarǵa sіbіr jarasyn juqtyrǵan mal kómіlgen jerlerde anyqtalǵan buzýshylyqtardy joıý jónіnde usynys berdі. Másele baqylaýǵa alynǵan», - delіngen habarlamada.