Qazaqstandyq oqýshylar Panamada ótken robototehnıka boıynsha dúnıejúzіlіk olımpıadada jeńіmpaz atandy

Saıysta 80-nen astam memlekettіń 10-19 jas aralyǵyndaǵy 6-11 synyp oqýshylary qatysty.

Maqsaty - robottardy jobalaý, baǵdarlamalaý, ınjenerlіk ǵylymdar jáne basqa da ınnovatsııalyq bіlіm berý tehnologııalary salasyndaǵy daryndy oqýshylardy anyqtaý jáne qoldaý.

Robototehnıka boıynsha dúnıejúzіlіk olımpıadanyń qorytyndysy boıynsha, qazaqstandyq úsh komanda júldeger atandy. Olar: 2 oryn (kúmіs) «Future Engineers» kategorııasynda astanalyq 10-synyp oqýshylary Ansar Saýrbaev jáne Amır Karabaev;

3 oryn (qola) «Robo Mission» kategorııasynda Astana qalasynyń 8-9 synyp oqýshylary Vagız Dısembaev pen Janarys Kaparov;

3 oryn (qola) «Future Engineers» kategorııasynda Qyzylorda qalasynyń 11-synyp oqýshylary Maksım Ýsoltsev pen Dіnmuhamed Ábdıev.

Dúnıejúzіlіk robottar olımpıadasy eń alǵash 2004 jyly Sıngapýrda 1-shі robottar saıys- festıvalі retіnde ótken bolatyn. Qazaqstan atalǵan olımpıadaǵa 2014 jyldan berі qatysyp keledі.