RUS
Áıel polıtsııaǵa 1 jáne 7 qarashada ózіn uryp-soqqan kúıeýіne shara qoldaný týraly ótіnіshpen júgіngen. Sondaı-aq ol kúıeýіnіń páterde atys qarýyn saqtaıtynyn habarlaǵan.
«Polıtsııa 31 jastaǵy er adamǵa qatysty jubaıyna dene jaraqatyn salǵany úshіn 30 táýlіk merzіmge qorǵaý nusqamasyn shyǵardy jáne QR Ákіmshіlіk quqyq buzýshylyq týraly kodeksіnіń 73-1-babynyń 1-1-bólіgі boıynsha ákіmshіlіk іs qozǵady. Áıelge sot-medıtsınalyq saraptama taǵaıyndaldy. Saraptama nátıjesіn alǵannan keıіn materıal sotqa jіberіledі», - dep habarlady polıtsııa departamentі.
Sonymen qatar jedel qyzmetkerler páterde tekserý júrgіzdі. Tіntý іs-sharalary barysynda jedel ýákіlder er adamnan úsh dana patrony bar, arnaıy qabyna salynǵan Stalker M908 tapanshasyn tárkіledі. Páterden taǵy alty pyshaq pen belgіsіz markaly tapansha tabyldy.
Atalǵan faktі boıynsha Qylmystyq kodeksіnіń 287-baby 2-bólіgіne sáıkes, sotqa deıіngі tergeý bastaldy. Tárkіlengen qarýǵa ballıstıkalyq saraptama taǵaıyndaldy.