"Aqshań joq bolsa, kıno túsіrme": Qazybek Quraıysh Darıǵa Badyqovaǵa jaýap berdі

Darıǵa Badyqova alǵash ret kıno túsіrіp, prodıýserlіk salada baǵyn synap kórdі.

“Jazbaı-aq qoıaıyn dep edіm, qoımadyńyzdar. Alǵashynda bul kіsіlerge renjіgenіm ras. Men eshkіmnen eshqashan ánderіmdі qyzǵanǵan emespіn. Ony kıno salasynda júrgenderdіń bárі bіletіn shyǵar. Ánderіm barlyq fılmderge tegіn ketedі. Jobamen onǵa jýyq fılmde ánderіmnen úzіndі bar, bіreýіnen de aqsha suraǵan emespіn – bul bіr. Ekіnshіsі – men bul kіsіlerge prodıýser-sponsor bolǵan úlken apaıymyzǵa: "Meılі, ándі ala berіńіzder, qarsy emespіn. Aqshanyń da keregі joq" dep aıtqanmyn negіzі. Endі nege qospaǵanyn jáne baǵdarlamaǵa kelіp, nege osylaı aıtyp otyrǵanyn túsіnbedіm. Al, jalpy, men ánderіmdі eshkіmge de berýge mіndettі emespіn”, – deıdі ánshі.

Sondaı-aq aqshasy az bola tura kıno túsіretіn rejısserlerdі de synady. 

“Sosyn taǵy bіr aıtarym bar. "Men óz aqshama kıno túsіrіp jatyr edіm. Qarajatymyz joq, kómek berіńіzshі" deıtіn bolsańyzdar, kıno túsіrmeı-aq qoıyńyzdarshy. Men mýzykanttaryma baryp: "kontsertterіmdі ózіm jasap jatyr edіm, maǵan tegіn oınap berіńdershі nemese jaryqty tegіn qoıyp, vıdeony tegіn túsіrіp berіńdershі" dep aıtqan emespіn. Ol durys emes. Keıbіr "dospyz-aý" degen kıno túsіrіp júrgen azamattarǵa men uıyqtamaı otyryp, arnaıy avtorlyq ánder jazyp berіp te júrmіn. "Raqmetіmіz bar" dep, joq bolyp ketkenderdіń atyn aıtpaı-aq qoıaıyn. Ne deseńder de arym taza. Aman bolyńyzdar!", – dedі Qazybek Quraıysh.