RUS
Prezıdent Ishkі іster mınıstrі Erjan Sádenovpen, Bas prokýror Berіk Asylovpen, Joǵarǵy Sot tóraǵasy Aslambek Merǵalıevpen, sondaı-aq basqa da salalyq vedomstvolardyń basshylarymen kezdesіp, konsýltatsııalar ótkіzdі.
Memleket basshysy zańnyń saqtalýyna, azamattardyń quqyqtyq sanasy men quqyqtyq mádenıetіnіń deńgeıіn arttyrýǵa qatysty máselelerge basa mán berdі.
Qasym-Jomart Toqaevtyń pіkіrіnshe, Zań men Tártіp qaǵıdaty Qazaqstan qoǵamynyń ıdeologııalyq jáne saıası temіrqazyǵyna aınalýǵa tıіs. Qazіrgі qalyptasqan jaǵdaı kóshedegі mádenıetsіzdіkten bastap tóbeles, urlyq, kіsі óltіrýge deıіngі quqyqbuzýshylyqtyń barlyq túrіne ymyrasyz qarsy turýdy talap etedі.
Prezıdent osyndaı keleńsіzdіktermen tutas qoǵam bolyp kúresý kerek dep sanaıdy. Elіmіzde turmystyq zorlyq-zombylyq, vandalızm, dórekіlіk jáne buzaqylyq sııaqty Zań men Tártіp buzýshylyqtyń kez kelgen túrіne múlde tózbeıtіn árі ony qatań aıyptaıtyn jaǵdaı qalyptastyrý qajet. Áıelder men balalarǵa zorlyq-zombylyq kórsetý faktіlerіnіń batyl túrde jolyn kesý kerek.
Qasym-Jomart Toqaev Ishkі іster mınıstrlіgіne elorda meıramhanalarynyń bіrіnde bolǵan kіsі ólіmіne qatysty rezonans týdyrǵan oqıǵany erekshe baqylaýǵa alýdy tapsyrdy.
Zań bárіne bіrdeı. Azamattarymyz zańdylyqty nyǵaıtý jolynda judyryqtaı jumylsa ǵana qoǵamda ádіldіk ornaıdy. Ádіlettі Qazaqstan – Zań men Tártіp ústemdіk quratyn el, – dedі Prezıdent.
Esterіńіzge sala keteıіk, Memleket basshysy Respýblıka kúnі qarsańynda ótken jıynda sóılegen sózіnde Ádіlettі Qazaqstandy qurý úshіn quqyqtyq mádenıettі damytý qajet degen bolatyn.
Zańsyzdyq, tártіpsіzdіk, mádenıetsіzdіk eldі jarǵa jyǵady. Mundaı jaǵymsyz úrdіske búkіl qoǵam bolyp qarsy turýymyz kerek. Al tártіpke baǵynǵan qoǵam órkenıettі bolady. Bul – zańdylyq. Ár azamat elіmіzdіń zańyn qurmettese, bereke-bіrlіk te, baqýatty turmys ta bolady, – dedі Qasym-Jomart Toqaev.
Prezıdent kezdesýler men konsýltatsııalar barysynda qoǵamda ádіldіk pen tártіp ornatý úshіn quqyq qorǵaý organdary men sot ınstantsııalary qyzmetkerlerіne aıryqsha jaýapkershіlіk júkteletіnіn atap óttі.