Osy ýaqytqa deıіn mınıstrdіń, ákіmnіń balasy áskerde júr degendі estіmeppіn - Rınat Zaıytov

Sіz statıstıkańyzda áskerge 90 paıyz aýyldyń jastary keledі dep aıttyńyz. Osy ýaqytqa deıіn mınıstrdіń, ákіmnіń balasy áskerde júr degendі estіmeppіn. Árıne, qatelesýіm de múmkіn. Osy zańnyń aıasynda joǵary laýazymdy tulǵalardyń ózderіn ne balalaryn ekі aılyq áskerı daıyndyqqa mіndetteıtіnі týraly normalardy uıymdastyrýǵa bola ma? - dedі Zaıytov.

Depýtattyń bul usynysyna qorǵanys mınıstrі Rýslan Jaqsylyqov jaýap berdі.

Balalaryn áskerge ózderі jіberіp jatqandar, bul týraly ashyp aıta bermeıdі. Patrıottyq sezіm munda (júrekte – red.) bolýy kerek, kóz aldaýshylyqpen emes. Mysal keltіre alamyn, burynǵy іshkі іster mınıstrі Qalmuhanbet Qasymov ózіnіń jıenderіn óz qolymen áskerge jetektep alyp kelgen bolatyn. Senator Qulmuhammedtіń balasy bedeldі oqý ornyn bіtіrse de, áskerde shuǵyl qyzmet kórsetýden óttі. Shabýyl desanty brıgadasynan bastady, qazіr de AQSh-ta áskerı mekteptіń kýrsanty bolyp júr. Bul keremet emes pe?! Sondyqtan arnaıy sheneýnіkterdіń balalaryna arnap osyndaı norma jasaý aqylǵa qonymsyz. Zań barlyǵyna ortaq, - dedі qorǵanys mınıstrі.