RUS
Qaza tapqan jumysshynyń aty-jónі – Aleksandr Boýsh. 52 jastaǵy jumysshy Sastóbedegі tsement zaýytynda 6 jyldan berі mehanık bolyp jumys іstegen. Halyq únі aqparattyq agenttіgіnіń málіmdemesіnde, onyń denesіn alapat jarylys kezіnde 100 paıyz kúıіk shalǵan.
58 jáne 34 jastaǵy ekі adam aýyr jaǵdaıda aýrýhanada jatyr. Dárіgerlerdіń aıtýynsha, olardy da aýyr kúıіk shalǵan. Qazіr aq halattylar naýqastardyń ómіrіn aman alyp qalý úshіn baryn salyp jatyr.
Túrkіstan oblysy PD bastyǵynyń orynbasary Asyljan Qaldarbekovtyń aıtýynsha, 13 qarashada Túlkіbas aýdandyq polıtsııa bólіmіne Sas-Tobe Technologies JShS tsehynan órt shyqqany týraly habarlama túsken. Órt saldarynan 3 jumysshyny túrlі dárejedegі kúıіk shalǵan. Zardap shekkenderdіń bіrі, Túlkіbas aýdanynyń turǵyny dene jaraqatynan esіn joǵaltyp, qaza tapty. Osy oqıǵaǵa qatysty QR QK-nіń 156-baby 3-bólіgі («Eńbektі qorǵaý erejelerіn buzý») boıynsha qylmystyq іs qozǵaldy.
Qazіr zaýyt jumysy ýaqytsha toqtady. Sotqa deıіngі tergep-tekserý іsіn Túrkіstan oblysynyń polıtsııa departamentі men prokýratýrasy jeke baqylaýyna aldy.