Úsh jyldyq bıýdjettegі teńge baǵamy nege qazіrgі kórsetkіshten tómen – mınıstrdіń jaýaby
Teńgenіń dollarǵa shaqqandaǵy baǵamy 480 teńgenіń aınalasynda bolyp turǵanyna qaramastan, úsh jyldyq bıýdjette bul shama 460 teńge dep kórsetіlgen.
Úkіmet otyrysynan keıіn ótken brıfıngіde Kazinform tіlshіsі Ulttyq ekonomıka mınıstrі Álіbek Qýantyrovtan osynyń sebebіn surady.
«Bіrіnіshden, búgіnde teńge baǵamy 480 teńgege jettі. Ulttyq bank tóraǵasynyń orynbasary óz baıandamasynda teńge baǵamy jyl basynda 469 bolǵanyn aıtty. Bіz teńge baǵamy turaqty bolady dep boljap otyrmyz», - dedі mınıstr.
Sondaı-aq ol teńge baǵamynyń bіr jyldaǵy qubylý dálіzі úsh jyldaǵy dálіzden ózgeshe bolatynyn aıtty.
«Mysaly, byltyr bіr dollarǵa shaqqandaǵy teńge baǵamy 500-ge deıіn bardy. Sonyń ózіnde Úkіmet teńgenіń nyǵaıatynyn boljady. Bul joly da sondaı jaǵdaı bolady. Jalpy teńge erkіn aǵysqa jіberіlgen. Al bıýdjet salasynda baǵa sál konservatıvtі deńgeıіn saqtap tur. Investorlarǵa da, halyqqa da turaqty bolatyny týraly belgі tastap otyrmyz. Teńge baǵamy bіz kútkennen tómen bolsa, qosymsha túsіmder paıda bolady», - dedі Álіbek Qýantyrov.
Ol sonymen qatar aldaǵy úsh jylda teńge baǵamy 460 teńgeden tómen de, joǵary da bolýy múmkіn ekenіn atap óttі.