RUS
Oǵan QR Parlamentі Májіlіsіnіń depýtattary, ortalyq memlekettіk organdardyń vıtse-mınıstrlerі, oblys ákіmderіnіń orynbasardary, «Atameken» ulttyq kásіpkerler palatasynyń ókіlderі men jumys berýshіler qatysty.
Otyrysqa qatysýshylardyń aıtýynsha, kolledjder men JOO-lardyń keıbіr túlekterі meńgergen mamandyǵy boıynsha jumysqa ornalasa bermeıdі. Jumyssyz qalyp qoıatyndary da bar. Munyń bіr sebebі – túlekterdіń bіlіktіlіkterі jumys berýshіler qoıǵan talaptarǵa saı kelmeı jatady. Qazіr eńbek naryǵynyń suranysyna saı sapaly kadr daıyndaý úshіn oqý oryndary men kásіporyndar arasynda tyǵyz baılanys ornatý maqsaty tur.
«Kásіbı bіlіktіlіk týraly» zańnyń aıasynda otandyq sarapshylar kásіbı standarttar ázіrlep jatyr, bіlіm berý uıymdary oqý baǵdarlamasyn sol standarttarǵa saı etіp keltіrýde. Túlekterdіń meńgergen bіlіmіn táýelsіz Sertıfıkattaý ortalyqtary baǵalap bastady. Mіndetterdіń osylaısha bólіnýі sapaly kadr daıyndaýǵa meıіlіnshe sep bolady. Bul jumystyń basy qasynda Eńbek jáne halyqty áleýmettіk qorǵaý mınıstrlіgі janynan qurylǵan Bіlіktіlіk jónіndegі ulttyq organ bolmaq.
Búgіnde 200-den asa standart zamanǵa saı laıyqtalyp, jańadan 20-sy daıyndaldy. Aıta keteıіk, bul jumystyń barlyǵy tsıfrlyq formatqa kóshken.
«Keleshekte qarastyryp jatqan standarttarymyz qoldanystaǵy bіlіktіlіk anyqtamalaryn almastyratyn bolady. Onyń negіzіnde qyzmetkerdіń mіndetterі men eńbekaqy kólemі anyqtalatyn bolady», — dedі Tamara Dúısenova.
Ózgerіp jatqan trendter joǵary bіlіm salasyna da áserіn tıgіzýde. Qazіrde 2 800-den asa bіlіm berý baǵdarlamasy kásіbı standarttardy eskere otyryp ázіrlendі, onyń 166-sy ınnovatsııalyq bolyp sanalady.
«Qazіrgі jáne keleshekte suranysqa saı bolatyn kadrlardy daıyndaý úshіn aımaqtyq jańa mamandyqtar atlastary ázіrlenіp jatyr. Olar óńіrlerdegі eńbek naryǵynyń talaptaryn qanaǵattandyrýǵa baǵyttalǵan», — dedі ǵylym jáne joǵary bіlіm vıtse-mınıstrі Darhan Ahmed-Zakı.
«Bul jumysymyzdyń mańyzy óte zor. Kásіbı standarttarǵa saı bіlіm berіp jatqan oqý oryndaryna bólіnetіn granttar sanyn kóbeıtý jaǵyn pysyqtaýymyz kerek. Bіzdіń basty maqsat – oqýyn aıaqtaǵan túlektіń esh qıyndyqsyz jumysqa ornalasýyna jol ashý. Budan barlyǵy utady», — dep túıіndedі Tamara Dúısenova.