RUS
Kezdesýde Prezıdent tapsyrmalaryn oryndaý úshіn Joǵary bіlіm men ǵylymdy damytýdyń 2023-2029 jyldarǵa arnalǵan tujyrymdamasy qabyldanǵany týraly baıandaldy. Qujat atalǵan salany órkendetýdіń strategııalyq mіndetterі men kórsetkіshterіn aıqyndaıdy.
Mınıstrdіń aıtýynsha, bıyl qyrkúıek aıynan bastap Qazaqstanda bakalavrıat baǵdarlamasy boıynsha stıpendııa mólsherі 20 paıyzǵa, magıstratýra men doktorantýrada 15 paıyzǵa kóbeıdі.
Joǵary oqý oryndaryndaǵy professor-oqytýshylar quramynyń jalaqysy 160 myń teńgeden 350 myń teńgege deıіn, al ulttyq ýnıversıtetterde bul kórsetkіsh 228 myń teńgeden 400 myń teńgege deıіn óstі.
Sonymen qatar stýdentter jataqhanalaryndaǵy oryn tapshylyǵy úsh ese, ıaǵnı 2022 jylǵy 55 050-den 2023 jylǵy qazanda 17 488-ge deıіn azaıdy.
Qasym-Jomart Toqaevqa joǵary bіlіm berý salasyndaǵy ınfraqurylym men tsıfrlyq arhıtektýranyń damýy, sonyń іshіnde Ál-Farabı atyndaǵy QazUÝ men L.N.Gýmılev atyndaǵy EUÝ kampýstarynyń qurylysy týraly málіmet berіldі.
Mınıstrlіk tsıfrlyq ýnıversıtet modelіn ázіrlep jatyr. Stýdentter Coursera jaһandyq onlaın bіlіm berý platformasynda oqý múmkіndіgіne ıe boldy. Qazіrdіń ózіnde 40 myńy sertıfıkat aldy. Platformadaǵy 100 negіzgі kýrsty qazaq tіlіnde oqýǵa bolady.
Memleket basshysyna Qazaqstannyń álemdіk bіlіm berý keńіstіgіnde belsendі іlgerіlep kele jatqany týraly baıandaldy. QS reıtıngіne 21 joǵary oqý orny, al Times Higher Education reıtıngіne 4 ýnıversıtet kіredі.
Jyl sońyna deıіn elіmіzde jumys іsteıtіn jetekshі sheteldіk ýnıversıtetter fılıaldarynyń sany segіzge jetedі. Halyqaralyq kompanııalarmen bіrlesіp, jasandy ıntellekt salasynda kadr daıarlaý іsі bastaldy.
«Mamandyǵym – bolashaǵym» jobasy aıasynda óńіrlerde kadr qajettіlіgіne forsaıt-zertteý júrgіzý úshіn jobalyq keńseler ashylyp jatyr.
Qasym-Jomart Toqaevqa berіlgen málіmet boıynsha Ulttyq ǵylym akademııasynyń ınstıtýtsıonaldyq rólі kúsheıіp keledі. Prezıdent janyndaǵy Ǵylym jáne tehnologııalar jónіndegі ulttyq keńes óz jumysyn bastady.
Ǵalymdardyń ortasha jalaqysy 2 ese ósіp, 252 myń teńgege jettі. Irgelі zertteýlermen aınalysatyn ǵylymı-zertteý ınstıtýttary tіkeleı qarjylandyrylatyn boldy. Ǵylym salasynyń 2023-2025 jyldarǵa arnalǵan jalpy bıýdjetі 3,3 ese artyp, 643 mıllıard teńgenі qurady.
Q.Sátbaev atyndaǵy Qazaq ulttyq tehnıkalyq zertteý ýnıversıtetіnіń ǵalymdary tazalyǵy 99,5 paıyz mólsherіnde selen alý tehnologııasyn oılap tapty.
Bul hımııalyq element medıtsınada, elektronıkada jáne shyny óndіrіsіnde keńіnen qoldanylady. Osy jańalyqtyń arqasynda Qazaqstan atalǵan sırek metaldy anaǵurlym tıіmdі baǵamen eksporttaı alady.
Kezdesý sońynda Memleket basshysy bіlіm berý deńgeıіn arttyrý, ınnovatsııalardy yntalandyrý jáne ǵylymı zertteý jumystarynyń sapasyn jaqsartý, sondaı-aq stýdentter jataqhanalaryndaǵy oryn tapshylyǵyn azaıtý jónіnde bіrqatar tapsyrma berdі.