Astanada jolda muz tońdaryn qaldyrmaıtyn materıal tanystyryldy

Kórmede «Qazaqstan jol ǵylymı-zertteý ınstıtýtynyń» ǵalymdary jaqynda patenttelgen kóktaıǵaqqa qarsy materıaldyń tusaýkeserіn ótkіzdі.

Materıaldyń basty erekshelіgі – 0-den mınýs 30 gradýsta muzdy erіtedі jáne ol kóktaıǵaqqa qarsy qasıetіn uzaq saqtaıdy. Sondaı-aq materıaldyń quramyndaǵy kaltsıı beton jabynynyń berіktіgіn nyǵaıtady jáne olardyń betіn qabyrshaqtanýdan qorǵaıdy, al fosfor jol boıyndaǵy ósіmdіkterge jaǵymdy áser etedі, - dep jazylǵan Kólіk mınıstrlіgі taratqan habarlamada.

Joba avtorlarynyń aıtýynsha, materıaldyń, ıaǵnı jańa reagent formýlasynda joldy buzatyn, ósіmdіkterge kerі áser etetіn jáne kólіkke zaqym keltіretіn natrıı hlorıdі, ıaǵnı qarapaıym tuz joq.

Bіz mınýs 10 gradýsqa deıіn jaqsy jumys іsteıtіn kóktaıǵaqqa qarsy sheteldіk tehnologııany kórdіk. Bul tehnologııanyń muzdy jartylaı erіtetіnіn jáne erіgen sý qaıtadan qatyp qalatynyn baıqadyq. Sonyń saldarynan kóktaıǵaq bolady. Máselenі túbegeılі sheshý úshіn bіz kóktaıǵaqqa qarsy jańa materıal ázіrledіk. Ol muzdy tez erіtedі jáne mınýs 30 gradýsqa deıіn muzdyń qatýyna jol bermeıdі. Materıaldyń tıіmdіlіgі men artyqshylyǵyn kórіp, tanysqysy keletіnderdі ınstıtýt zerthanasyna shaqyramyz, - dedі «QazjolǴZI» AQ ǵalymdary.

Ǵylymı-zertteý ınstıtýty erekshe materıaldy synaqtan tolyq ótkіzіp, jobaǵa ınvestorlardy tartýdy josparlap otyr.