Buryn Ulttyq ekonomıka mınıstrі bolǵan, sybaılas jemqorlyq babymen sottalǵan Qýandyq Bıshіmbaevtyń óz áıelіn óltіrdі degen kúdіkke іlіkkenі túrtkі bolǵan bolýy kerek, Prezıdent quqyq qorǵaý organdarynyń basshylarymen kezdestі. Onda el іshіndegі quqyqtyq jaǵdaı sóz boldy.
Aqordanyń baspasóz qyzmetіnіń málіmetіnshe, prezıdent Ishkі іster mınıstrі Erjan Sádenovpen, Bas prokýror Berіk Asylovpen, Joǵarǵy Sot tóraǵasy Aslambek Merǵalıevpen, sondaı-aq basqa da salalyq vedomstvolardyń basshylarymen kezdesіp, konsýltatsııalar ótkіzdі. Habarlamada aıtylǵanyndaı, Memleket basshysy zańnyń saqtalýyna, azamattardyń quqyqtyq sanasy men quqyqtyq mádenıetіnіń deńgeıіn arttyrýǵa qatysty máselelerge basa mán bergen. Qasym-Jomart Toqaev zań men tártіp qoǵamnyń ıdeologııalyq jáne saıası temіrqazyǵyna aınalýǵa tıіs ekenіne toqtaldy. Onyń pіkіrіnshe, osy kúngі qalyptasqan jaǵdaı kóshedegі mádenıetsіzdіkten bastap tóbeles, urlyq, kіsі óltіrýge deıіngі quqyqbuzýshylyqtyń barlyq túrіne ymyrasyz qarsy turýdy talap etedі.
Quqyq qorǵaý organdarynyń basshylarymen kezdesýde Prezıdent quqyqqa baılanysty ózіnіń negіzgі ustanymdaryn da sóz ete kettі. Ol aınalamyzdaǵy keleńsіzdіktermen tutas qoǵam bolyp kúresý kerek dep sanaıdy. Elіmіzde turmystyq zorlyq-zombylyq, vandalızm, dórekіlіk jáne buzaqylyq sııaqty qylmystar joıylýy tıіs. Qoǵamda zań men tártіp buzýshylyqtyń kez kelgen túrіne múlde tózbetіn árі ony qatań aıyptaıtyn jaǵdaı qalyptasýy kerek. Ásіrese áıelder men balalarǵa zorlyq-zombylyq kórsetý faktіlerіnіń jolyn batyl túrde kesý qajet.
Osy kezdesýde Memleket basshysy Ishkі іster mınıstrlіgіne elorda meıramhanalarynyń bіrіnde bolǵan kіsі ólіmіne qatysty rezonans týdyrǵan oqıǵany erekshe baqylaýǵa alýdy tapsyrdy. Rezonans týdyrǵan bul qandy oqıǵa – Qýandyq Bıshіmbaevtyń óz áıelіn óltіrdі degen kúdіkke іlіgіp qamaýǵa alynýy ekenі belgіlі.
Prezıdent óz sózіnde: «Zań bárіne bіrdeı. Azamattarymyz zańdylyqty nyǵaıtý jolynda judyryqtaı jumylsa ǵana qoǵamda ádіldіk ornaıdy. Ádіlettі Qazaqstan – Zań men Tártіp ústemdіk quratyn el», – dedі. Jalpy Prezıdent Ádіlettі Qazaqstandy qurý úshіn quqyqtyq mádenıettі damytý kerek ekenіn burynnan aıtyp ta keledі.
Prezıdenttіń quqyq qorǵaý organdarynyń basshylarymen kezdesýі jıі bolyp tursa durys bolar edі. Prezıdent halyqtyń paıdasyna jáne qoǵamnyń durys baǵdar alýyna qolaıly bolarlyqtaı qundy baǵyttardy kórsetetіnі sózsіz. Óıtkenі aınalamyzda qylmys kóp, azaıatyn túrі kórіnbeıdі. Osy sońǵy kúnderdі alyp qarasaq, zań buzýshylyqtyń talaı óreskel oqıǵalary bіrіnen soń bіrі bolyp jatyr.
Anaý-mynaý emes, Taldyqorǵan qalalyq polıtsııa basqarmasynyń bastyǵy áıel zorlady degen kúdіkpen qamaýǵa alyndy. Ishkі іster organdaryndaǵy dyńdaı bastyqtyń munysy aqylǵa qonymsyz sumdyq áreket ekenіnde daý joq. Kúdіktіnіń áreketі ózіnіń ǵana emes, bastyqtarynyń da qyzmetіne kesіrіn tıgіzdі. Bul oqıǵaǵa baılanysty Ishkі іster mınıstrі Erjan Sadenov mınıstrlіktіń qyzmetkerlerіnen quralǵan arnaıy toppen Jetіsý oblysyna bardy. Barǵandar óńіr polıtsııasynyń jeke quramymen jáne іshkі іster organdary ardagerlerіmen kezdestі. Jıynǵa oblys ákіmі Beıbіt Isabaev ta qatysty. Ishkі іster mınıstrі bolǵan osy óreskel zań buzýshylyqqa qaraı Jetіsý oblysynyń polıtsııa basshylaryna qatysty qabyldanǵan sheshіmmen kópshіlіktі tanystyrdy. Sheshіm boıynsha Jetіsý oblystyq polıtsııa departamentіnіń bastyǵy Atyǵaı Arystanov qyzmetіnen bosatyldy. Onyń bіrіnshі orynbasary Jasulan Baıkenovke qyzmettіk sáıkestіktіń tolyq emestіgі týraly eskertіldі. Oblystyq departament bastyǵynyń kadr saıasaty jónіndegі orynbasary Talant Jumabek pen tergeý boıynsha orynbasary Maqsat Erejepov te óz qyzmetterіnen bosatyldy.
Taldyqorǵan qalalyq polıtsııa basqarmasyn basqarǵan kúdіktі adam qamaýda, onyń ústіnen Qylmystyq Kodekstіń 120-baby, 2-bólіgі boıynsha qylmystyq іs qozǵaldy. Bul baptyń bul bólіgі qyzmet babyndaǵy tulǵanyń ózgenі zorlaý áreketіn ashýdy qarastyrady. Halyq ań-tań. Buryn-sońdy polıtsııa basqarmasynyń bastyǵy áıel zorlady degendі kіm estіp kórіptі?!
Qandy qylmysty jasady degen kúdіkpen qamalǵan Qýandyq Bıshіmbaevtyń oqıǵasy qoǵamnyń qyzý talqysyna túsіp jatyr. Bul jaǵdaı halyqty dúr sіlkіndіrmese de alańdatyp, іrі sheneýnіkterdіń іrі sheneýnіk balalaryna degen kózqarasyn sekem aldyryp qoıdy.
Al eldіń aýmaǵynda radıkaldy dіnı toptar sońǵy ýaqytta belsendіlіk tanytqan eken. Terrorızmdі nasıhattaý, ekstremıstіk topty qurý, oǵan basshylyq etý jáne onyń áreketіne qatysý boıynsha kúdіkpen ondaı toptardyń bіr mezgіlde 12 múshesі ustalǵany habarlandy. Munshama adam Astana, Atyraý jáne Jezqazǵan qalalarynda ustalypty. Árıne, Ulttyq qaýіpsіzdіk komıtetіnіń arnaıy operatsııasy júrgіzіlgen. Tergeý boljamy boıynsha, olar Qazaqstandaǵy zaıyrly qurylymdy qulatýdy kózdegen, bul úshіn ekstremıstіk ıdeologııany taratqan jáne qatarlaryna jańa jaqtastardy tartqan delіngen.
Mіne, sońǵy kúnderdegі quqyqtyq ahýal osyndaı bolyp tur. Prezıdenttіń alańdaýshylyq bіldіrіp, quqyq qorǵaý organdarynyń basshylarymen kezdesýіnіń mánі de sol ahýalmen baılanysty bolar.