"Úsh otbasyn asyrap otyr": Saıat Medeýov el arasynda taraǵan qaýesetke pіkіr bіldіrdі

Ánshі Saıat Medeýov jelіde jeke ómіrіne qatysty taraǵan qaýesetke pіkіr bіldіrdі. Óner ıesі nege.kz saıtyna bergen suhbatynda áıelіn de kópshіlіkke kórsetýdі josparlamaǵanyn aıtty. Bul týraly AstanaTV arnasy jazdy.

Saıt tіlshіsі ánshіden "Sіzdі "úsh otbasyn bіrdeı shashaýyn shyǵarmaı, asyrap otyrǵan azamat" dep estımіz. Osy ras pa?", - dep surady.

Al ánshі otbasyna qatysty saýalǵa jaýap bergіsі kelmeıtіnіn aıtty.

"Árkіmnіń jeke ómіrі bar. Kerek deseńіz, qazaq tіptі balasynyń sanyn da aıtpaǵan. Sondyqtan jeke ómіrіme, otbasyma qatysty saýaldarǵa jaýap bergіm kelmeıdі", - dedі ánshі.

Sonymen qatar óner ıesі áıelіn de kópshіlіkke kórsetkіsі kelmegenіn, alaıda, týǵan kúnіndegі sýrettіń jelіge tarap ketkenіn aıtty.

"Otbasymdy, jarymdy jarnamalaıyn degen oı bolmady. Árіptesterіm týǵan kún keshіnde bіrlese sýretke túsіp, áleýmettіk jelіge salǵan soń tarap ketken ǵoı", - dedі ánshі.

Aıta keteıіk, osyǵan deıіn Saıat Medeýov 50 jas mereıtoıyn atap ótіp, kópshіlіk ánshіnіń jubaıyn alǵash ret kórdі. Sondaı-aq mereıtoıda Saıat Medeýovke ónerdegі árіptesterі kólіk syılady.