RUS
17 qarashada Fitch agenttіgі Qazaqstan Respýblıkasynyń egemen kredıt reıtıngіn «BBB» deńgeıіnde rastady, boljamy «turaqty». Fitch reıtıngtі rastaýdyń basty faktory retіnde syrtqy kúızelіsterge tózіmdіlіgіn dáleldegen eleýlі syrtqy rezervter men fıskaldyq turaqtylyqtyń saqtalýyn atady.
Fitch boljamyna sáıkes, 2023 jyldyń qorytyndysy boıynsha ekonomıkanyń ósýі shamamen 4,8%-dy quraýy múmkіn. Investıtsııalardyń turaqty ósýі, sondaı-aq naqty kіrіster ósken saıyn sharýashylyqtardyń tutynýynyń ósіmі 2024 jyly 5,1% jáne 2025 jyly 5,4% ekonomıkalyq ósіmge ákeledі dep kútіlýde, bul áleýettі ósіmge qaraǵanda aıtarlyqtaı joǵary.
Sarapshylarynyń aqparatyna sáıkes, qazanda ınflıatsııa 10,8%-ǵa deıіn tómendedі, azyq-túlіk ınflıatsııasynyń bіrshama álsіregenіn jáne aqsha-kredıt saıasatynyń qatańdatýdyń áserіn atap óttі. Bul rette, ınflıatsııanyń tómendeýіne qaramastan, ınflıatsııalyq kútýlerdіń joǵary dınamıkasy saqtalyp otyr.
Fitch pіkіrіnshe, dollarlandyrý deńgeıі tómendedі (2022 jylǵy 36,7%-ben salystyrǵanda 2023 jyldyń III toqsanynyń aıaǵynda 30% qurady), al nesıeleýdіń ósý qarqyny ótken jylmen salystyrǵanda baıaýlady. 2024 jylǵa jospar lanǵan Ulttyq Banktіń sýbsıdııalanǵan kredıtteý baǵdarlamalarynan shyǵýy aqsha-kredıt saıasatynyń táýelsіzdіgіn dáleldeıtіn bolady.
Fitch 2024–2025 jyldary memlekettіk shyǵystardyń ósýіnіń baıaýlaýyn Qazaqstan Respýblıkasynyń Ulttyq qorynan bıýdjetke kepіldendіrіlgen jáne nysanaly transfertterdіń shyǵystary men kólemіnіń ósýіn shekteýge baǵyttalǵan jańa bıýdjettіk ereje engіzіlýіne qaraı boljaıdy.