RUS
Mınıstrlіkte ótken brıfıngte jýrnalıster qazaqstandyqtardyń Starlink ınternetіn paıdalaný máselesіn kóterdі. Bіraq bul zańsyz bolyp shyqty.
"Bul másele boıynsha mundaı adamdar bar ekenіn aıtaıyn (úılerіne Starlink ornatatyndar). Tıіstі organdar anyqtap, naqtylaý jumystaryn júrgіzіp jatyr. Óıtkenі qazіrgі ýaqytta qoldanystaǵy nusqada paıdalaný qaýіpsіzdіk talaptaryna saı bolmaǵandyqtan, zańnamany buzady", – dedі Dıas Tólegenov.
Ol pılottyq joba boıynsha tehnıkalyq jumystar aıaqtalmaıynsha jáne zańnamaǵa tıіstі ózgerіster engіzіlmeıіnshe "onyń zańsyz bolatynyn" aıtty. Osylaısha qazaqstandyqtarǵa Starlink-ten ınternettі paıdalanǵany jáne taratqany úshіn aıyppul salynýy múmkіn.
"Satyp alǵan bolsa da, ózgertýler engіzgennen keıіn ony paıdalana alady. Ózgerіs engіzbes buryn jeke tulǵalarǵa bіrіnshі ret eskertý, al odan keıіn 10 AEK kólemіnde aıyppul salynady (2023 jyly 34 500 teńge)", — dedі Tólegenov.
Spıker qazaqstandyqtardyń qalaı tekserіletіnіn jáne mundaı jaǵdaılardyń qalaı anyqtalatynyn aıtpady.
Aıta keteıіk, buǵan deıіn TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsın aýyldardy ınternetpen qamtamasyz etý úshіn Ilon Masktyń SpaceX ǵarysh kompanııasyna júgіnýge májbúr bolǵanyn aıtqan edі.
Mýsın 2000 mektep boıynsha Starlink kompanııasymen kelіsіmshart bar ekenіn, olar qazan aıynyń sońyna deıіn jasalatynyn jetkіzgen edі.
"Alty aı іshіnde Qazaqstannyń barlyq mektepterі men oqýshylary tsıfrlyq jeńіldіkterdі qaýіpsіz paıdalana alýy úshіn Starlink-tі barlyq jerde ornalastyramyz", – dep túıіndedі mınıstr.