RUS
Kórmenіń maqsaty – Qazaqstan men Italııa arasyndaǵy mádenı baılanysty odan árі nyǵaıtý, ıtalıandyq aýdıtorııany Uly dala halqynyń tarıhymen, mádenıetіmen, dástúrіmen, turmys-tіrshіlіgіmen, fılosofııasymen jáne dúnıetanymymen tanystyrý.
Qazaqstan Respýblıkasynyń Italııadaǵy Elshіlіgі men Almaty qalasy murajaılar bіrlestіgіnіń qoldaýymen Qazaqstan Respýblıkasynyń Kampanııa aımaǵyndaǵy Qurmettі konsýldyǵy uıymdastyrǵan kórmege 140-tan astam jádіger qoıylǵan. Kórmenіń ekspozıtsııalyq keńіstіgі dástúrlі kıіz úı jabdyǵy, at ábzelderі, turmystyq zattar, zergerlіk buıymdar, mýzykalyq aspaptar sııaqty taqyryptyq baǵyttarǵa bólіngen.
«Qazaqstan – uly kóshpelіler órkenıetіnіń muragerі. Bіzdіń elіmіz myńdaǵan jyldar boıy kóptegen qoǵamdardyń, mádenıetter men dіnderdіń toǵysqan jerі boldy. Qazaqstan ózіnіń ejelgі tarıhyn jáne kóp qyrly mádenı murasyn maqtan tutady. Qazіrgі qoǵamnyń ómіrіnde qoldanylatyn zattardyń kóbі elіmіzdіń aýmaǵynda paıda bolǵan», - dedі kórmenіń ashylý saltanatynda sóz sóılegen Qazaqstannyń Italııadaǵy Elshіsі Erbolat Sembaev.
Kórmenіń ashylý saltanatyna 300-den astam adam qatysty. Olardyń іshіnde mádenıet, bіlіm berý, ǵylym, bıznes, týrızm salalarynyń ókіlderі boldy. Sonymen bіrge qonaqtar mýzykanttar A. Qunanbaı, D. Murathan jáne E. Egіnbaevtyń oryndaýyndaǵy qazaqtyń dástúrlі án-kúılerіn tamashalady.
Qonaqtar kórme jádіgerlerіmen tanysyp qana qoımaı, ıtalıandyq «Multicenter» kásіbı qyzmettіk daıarlyq mektebіnіń stýdentterі daıyndaǵan qazaqtyń ulttyq taǵamdarynan dám tatty.
Almaty tarıhy murajaıynyń «Qazaqstan kóshpendіlerі: tarıhy men búgіnі» kórmesі osy jylǵy 14 jeltoqsanǵa deıіn jalǵasatyn bolady.