Almaty oblysynda avtobýs órtenіp kettі
Almaty oblysynda elektr symdarynyń qysqa tuıyqtalýynan jolaýshylar avtobýsy janyp kettі. Bul týraly Kazinform aqparattyq agenttіgі habarlap otyr.
Onyń vıdeosy áleýmettіk jelіde tarady.
Oblystyq tótenshe jaǵdaılar departamentі baspasóz qyzmetіnіń málіmetіnshe, oqıǵa 17 qarasha kúnі saǵat 16:29-da bolǵan.
«Almaty oblysy TJD kezekshі bólіmіne Ile aýdany Baıserke aýylynda jolaýshylar avtobýsynyń janǵany týraly habarlama kelіp tústі. Oqıǵa ornyna dereý órt sóndіrý brıgadasy jіberіldі», - dep atap óttі vedomstvodan.
Órttіń aldyn-ala sebebі - qozǵaltqysh bólіgіndegі elektr symdarynyń qysqa tuıyqtalýy.
«Órt jarty saǵatta tolyq sóndіrіldі. Abyroı bolǵanda qurbandar men zardap shekkender joq. Qyzyl jalyndy aýyzdyqtaýǵa TJD 3 qyzmetkerі men 1 tehnıkasy jumyldyryldy»,- dep qosty departamentten.