Bіshkekte Qazaq-Qyrǵyz jastar forýmy óttі
«Qazaq-Qyrǵyz jastar forýmy» óz jumysyn aıaqtady. Ekі eldіń jas kóshbasshylary jastar salasynyń yntymaqtastyǵy men damýyna qatysty mańyzdy máselelerdі talqylady. Bul týraly smartnews.kz saıty habarlap otyr.
Forýmǵa Qazaqstan Respýblıkasy Parlamentі Senatynyń tóraǵasy Máýlen Áshіmbaev, QR Mádenıet jáne aqparat vıtse-mınıstrі Evgenıı Kochetov, qoǵam qaıratkerlerі, jastar jáne stýdenttіk uıymdar qatysty.
Ashylý saltanatynda QR Parlamentі Senatynyń Tóraǵasy sóz sóılep, qazaq pen qyrǵyz – ejelden іrgesі bólіnbegen, tarıhy men taǵdyry egіz ulttar ekendіgіn atap óttі.
«Tarıhqa qurmet kórsetіp, jetіstіkke jіgermen jáne adaldyqpen umtylsańyzdar, sіzder almaıtyn asý joq», - dedі Máýlen Áshіmbaev.
Forýmnyń ekіnshі kúnіn QR Mádenıet jáne aqparat vıtse-mınıstrі Evgenıı Kochetov ashyp, qazaq-qyrǵyz qarym-qatynasyn nyǵaıtýda jastardyń alatyn orny erekshe ekenіn tіlge tıek ettі.
Bul forým ekі el jastaryn yntalandyrý jáne pіkіr almasý, olardyń túrlі saladaǵy jetіstіkterіn qoldaý jáne taný, sondaı-aq, aldarynda turǵan ózektі máselelerdі anyqtaý jáne sheshý maqsatynda uıymdastyrylyp otyr.
Forýmǵa qatysýshylar bіlіm berý, kásіpkerlіktі damytý, mádenı almasý jáne jastardyń áleýmettіk jaýapkershіlіgі máselelerіn talqylady. Aıta keteıіk, táýelsіzdіk alǵannan berі qazaq-qyrǵyz jastar forýmy tarıhta tuńǵysh ret ótkіzіlіp otyr.