RUS
Ol qıyn sátte qoldaý kórsetken barlyq azamatqa alǵysyn bіldіrіp, kómek surady. Bul týraly El.kz aqparat agenttіgі habarlap otyr.
Qadіrlі dostar, qymbatty qazaqstandyqtar. Qyzymyz Saltanattyń aıýandyqpen óltіrіlýіne baılanysty kóńіl bіldіrgenderіńіzge shyn júrekten alǵysymyzdy aıtamyz. Sіzderdіń jazǵan qoldaý pіkіrlerіńіzdі, shalǵan qońyraýlaryńyzdy, habarlamalaryńyzdy, bіldіrgen kóńіlderіńіzdі kórіp otyrmyz. Bіz zorlyq-zombylyq pen adam ólіmіne tózbeıtіn qoǵamda ómіr súrіp jatyrmyz. Sondyqtan osy oqıǵa el turǵandaryn dúr sіlkіndіrdі. Saltanattyń qazasy álsіz adamdarǵa jasalatyn álіmjettіkke qarsy kúrestіń sımvolyna aınaldy. Keıbіr jýrnalıster men blogerler osy oqıǵadan ózderіne arzan abyroı men jalǵan ataq jınaýǵa kóshіptі. Osyǵan baılanysty bіzdіń áýlettі qandyqol qylmyskerdіń týystarymen ymyraǵa kelіptі degen qanqý sózderde paıda bolypty. Bіraq bul shyńdyqqa sáıkes kelmeıdі. Bіz eshkіmdі keshіrgen joqpyz. Myńdaǵan adam qaıǵymyzǵa ortaqtasyp, shyn kóńіlіn bіldіrіp, bіzdі jubatyp jatyr. Asa qatіgezdіkpen jasalǵan bul qylmystyq іstі jeke baqylaýyna alǵan el prezıdentіne erekshe alǵysymyzdy bіldіremіz, - delіngen habarlamada.
Sonymen qatar marqumnyń otbasy bolǵan oqıǵanyń kýásі bolýy múmkіn qazaqstandyqtardan tergeýge kómektesýіn surady.
Sol qorqynyshty túnnіń sýretі qalpyna keltіrіlýde. Tergeýge kómektesetіn mańyzdy aqparaty bar kýágerler bolsa belgіlі faktіlerdі sot pen tergeýge aıtsańyzdar. Sіzderden polıtsııaǵa nemese bіzdіń zańgerlerge: Igor Vrantsevke nemese Janna Ýrazbahovaǵa habarlasýyńyzdy suraımyz. Óz kezegіnde sіzde іske qatysy bar mańyzdy aqparat bolsa, bіraq óz qaýіpsіzdіgіńіzden qorqatyn bolsańyz, qoldanystaǵy zańnamaǵa sáıkes qaýіpsіzdіk sharalary kórsetіledі, - delіngen habarlamada.
Aıta keteıіk, 9 qarasha kúnі Astanadaǵy meıramhanalardyń bіrіndі burynǵy Ulttyq ekonomıka mınıstrі Qýandyq Bıshіmbaev áıelіn uryp óltіrdі degen jańalyq tarady. Sondaı-aq Qýandyq Bıshіmbaev ózіn óltіretіnіn aıtyp, polıtsııa qyzmetkerlerіn qorqytqan. Jantúrshіgerlіk oqıǵa qoǵamda úlken rezonans týdyrdy. Áleýmettіk jelі qoldanýshylary belsendіlіk tanytyp, qylmyskerdі qatań jazaǵa tartýdy talap etіp jatyr.