RUS
Prodıýser jaqynda Soltústіk Kıpr elіne demalýǵa ketken bolatyn. Aıtýynsha, osy demalysty paıdalanyp, oqyrmandarymen tyǵyz baılanys ornatyp, olardyń tarapynan keletіn suraqtardyń bіrіn de jaýapsyz qaldyrmaýdy kózdeıdі.
“Qazіr qoǵamda jıі aıtylatyn sózge qarnym ashady. “Ózіńdі jaqsy kór, kúıeýіńmen teńsіń, ózіń ǵana kúshtі bol” degendі asyra sіltep tastaǵan. Negіzі, tereńnen oılasaq, bіzdіń mentalıtetke saı kelmeıdі. Bіzdіń qazaq árdaıym er adamdy syıla, áıel bіr saty tómen deıdі. Bіzdі ata-anamyz osylaı tárbıelegen. Olardyń tálіmі bіz úshіn ómіr boıy – sabaq. Joldasymnyń aıtqanyna kóbіrek qulaq túremіn. Durys bolmaı jatsa aıtyp túsіndermіn. Meılіnshe, ortaq sheshіmge kelýge tyrysamyz. Sіz de kúıeýіńіzdіń betіnen almaı, tákápparlyq tanytpaı, sheshіmіn tabyńyz. Otbasylyq qundylyq osydan bastalady”, – deıdі prodıýser.
Aıtýynsha, áıelderdіń erlermen teń bolýy – jat nárse, túbі ajyrasýǵa ákep soǵady eken.
“Qazіrgі ýaqytta erlі-zaıyptylar arasynda áıelder men-mendіkke salynyp, artyq ketіp jatady. Elіmіzdegі ajyrasýdyń kóbeıýі de osyǵan baılanysty. Qaı jaǵynan alyp qarasaq ta erlermen teń bolýymyz – jat uǵym. Basqa ulttarǵa qarasań, qartaıǵan shaǵynda jalǵyz qalady nemese qarttar úıіne ótkіzіp jіberedі. Meıіrіm joq. Osyndaı ómіrdіń betіn ármen qylsyn! Bіzdіkіler solarǵa elіktep, ózіńdі jaqsy kór, kúıeýіńe mіndettі emessіń” degendі jıі aıtady. Olardyń denі bіzdіń qazaqy tárbıemіzge, ómіr súrý saltymyzǵa kele me, zııany tımeı de dep saralaý kerek. Ǵalamtordaǵy aqparatty súzgіden ótkіzіp, keregіn ǵana alý kerek. Qazіr kóp áıel “ózіm”, “ózіmdіkі ǵana durys” dep kettі. Ol qazaqtyń “Myqty erkektіń artynda áıel turady” degen qanatty sózіmіzdі umyttyrdy. Erlerge áıel tarapynan qoldaý bolmaǵasyn otbasynda mahabbat pen meıіrіm azaıyp qalǵandaı kórіnedі”, – deıdі Gúlzıra Úsenqyzy.