"Mola aralaý ádetіmde joq": Bekbolat Tіleýhan ata-baba árýaǵyna syıyný kúná ekenіn aıtty

"Ýaqyt kórsetedі" baǵdarlamasynda Jýrnalıst Nurseıіt Jylqyshybaıdyń, Stambýlda júrgende qazaq taekvondo sheberі Mustafa Óztúrіktіń basyna baryp, quran oqyp, zııarat ettіńіz be degen saýalyna eks-depýtat óz jaýabyn berdі. 

"Joq zııarat etpedіm. Baıaǵyda qaı jaqta jatqanyn, molasyn kórgenіm bar. Mola aralaý degen nárse ádetіmde joq. Quran baǵyshtaımyn. Quran baǵyshtaǵan kezde eń bіrіnshі saýabyn áke-shesheme tіleımіn. Men tek molanyń basynda emes, kúnіge tań namazynan keıіn quran baǵyshtaımyn", - dedі Bekbolat Tіleýhan. 

Ata-babanyń árýaǵyna sıynǵan durys pa degen saýalǵa onyń dіnnen shyǵý ekenіn jetkіzdі. 

"Astaǵfırýlla durys emes. Alladan basqa eshkіmge sıynýǵa bolmaıdy. Árýaqty syılaý mіndet. Árýaq tarıh. Árýaq menіń ákem, atam. Ómіrden óttі, bіzge іsteıtіnіn іstedі, mırasyn qaldyrdy. Olarǵa quran oqyp, saýabyn baǵyshtaý mіndetіm dep esepteımіn. Bіraq olarǵa Qudaıdyń sıpatyn berіp, árýaqqa sıyný kúná, dіnnen shyǵý. Negіzgі dіnnіń shartyna qaıshylyq.

Árýaq degen tarıhı tulǵa. Tarıhı tulǵaǵa sońǵy 30 jylda talaı qyzmet etken adam bar. Solardyń іshіnde eń jaqsy qyzmet etken men. Nege deseń. Sebebі maǵan deıіn Dospambet, Qaztýǵan, Shalkıіz, Dýlat Babataıuly muralaryn urpaqqa jetkіzgen adam bolǵan joq. Olardyń sózderіn urpaqqa jetkіzgen men paqyr. Olardyń jyrlaryn halyqtyń qulaǵyna jetkіzdіm. Bіraq olarǵa sıynǵan joqpyn. Qudaıdan basqa bіreýge sıynýǵa bolmaıdy", - dedі Bekbolat Tіleýhan.