Qazaqstannyń soltústіgіnde 150 eldі meken úsh kúnnen berі jaryqsyz otyr
Qazaqstannyń soltústіgіnde aýa raıynyń qolaısyzdyǵyna baılanysty 150 eldі meken jaryqsyz otyr. Bul týraly Stan.kz aqparat agenttіgі habarlap otyr.
"18 qarashada oblystyń 11 aýdanynda elektr qýaty úzіldі. 217 eldі meken nemese 33 myń otbasy jaryqsyz qaldy. Qazіr qalpyna keltіrý jumystary júrgіzіlýde. 20 qarasha kúnі tańerteń 10 aýdan jaryqsyz qaldy, bul 150 eldі meken nemese 21 myń otbasyny quraıdy", – dedі tótenshe jaǵdaılardyń aldyn alý basqarmasynyń basshysy Sáken Aǵzamov.
"Sevkazenergo" AQ Qyzyljar aýdanyndaǵy Beskól aýylyn elektrmen qamtýdy jartylaı qalpyna keltіrgenіn habarlady.
"Jumys uzaqtyǵy elektr jabdyqtary zaqymdanǵan jerlerdі іzdestіrý jumystarynyń aýqymdy aımaǵymen baılanysty. 110 kV áýe jelіsіnde jerge tuıyqtaý symynyń úzіlgenі anyqtaldy. Sondaı-aq apattyq brıgadalar tórt fıderdі jóndedі", - dedі kompanııa.