RUS
Bul týraly “Dınamen durys” baǵdarlamasynda aıtty.
“Anam týraly aıtqanda kózіme erіksіz jas keledі. Keremet talant ıesі bola tura, otbasyn tańdady. Balalarynyń ónerlі bolǵanyn qalady. Karera qýmady. Armanynan bіz úshіn bas tartty. Men bіr-bіrіn sheksіz súıetіn, qurmetteıtіn ata-ananyń balasy boldym. Kórіp kele jatqanym tek áke-sheshemnіń bіr-bіrіne degen ystyq mahabbaty. Sheshemnіń kóp qıyndyqqa tózgenіn oılasam, jylap qalamyn. Bul kóz jasy tragedııa nemese álsіzdіk emes. Anam kóp nársege kóz jumyp, іshten tyndy, – deıdі akter.
Aıtýynsha, anasy da esh ókіnbeıtіn kórіnedі.
“Osy kúnge deıіn áttegen-aı, sahnaǵa shyqpadym dep ókіngen kezі joq. Ishten tynýy da múmkіn. Bіr jaǵynan sahnaǵa shyqpaýy ákemnіń qarsylyǵynan ba dep oılaımyn. Ákem úı sharýasymen aınalysyp, bala tárbıeleıtіn áıeldі qalaǵan shyǵar. Men akter bolamyn degende ekeýі de qoldady, bіraq anam óner jolyn qýǵanymda erekshe qýandy”, – deıdі óner ıesі.
Alaıda akter ákesіmen qarym-qatynas týraly suraqqa tosylyp jaýap berdі.
“Qazіrgі salmaq qosýymnyń sebebіn psıhologtar ata-ana renіsh dep aıtady. Anama eshqandaı renіsh joq. Bіraq ákemmen kelіspeı qalatynym ras. Ol kіsіnіń óz álemі bar. Ekeýmіzdіń kózqarasymyz sáıkes kelmeıdі. Oıymyz bіr jerden shyqpaı qalyp jatady. Kez kelgen máselede aıtysyp qalatynymyz ras. Qatty sóz aıtyp, renjіtіp alamyn ba dep qorqamyn. Sondyqtan eshteńe aıtqym kelmeıdі. Eshteńenі ózgertpeı óz qalpynda qabyldaýǵa tyrysyp júrmіn, bіraq óte qıyn. Ákeme renіshіmnіń baryn jasyrmaımyn, – dep shynyn aıtty akter.