RUS
Egovpress Telegram-arnasy málіmetіnshe, Arýna Amanova J. esіmdі er adammen 2019 jyly shańyraq kótergen. Áıeldіń aıtýynsha, bіr aıdan soń kúıeýі oǵan qol kótere bastaǵan. Bіraq jaǵdaı qaıtalanǵan saıyn ol jylap, kelіnshegіnen keshіrіm suraýdy ádetke aınaldyrǵan, ol otbasyn saqtap qalý úshіn keshіrgen.
"2021 jyly onyń soqqysynan men aýrýhanaǵa tústіm. Sosyn aryz jazdym, bіraq ol keshіrіm surap, artymnan júgіrdі. Al men balamyz úshіn keshіrdіm", – deıdі kelіnshek.
2022 jyldyń 4 qarashasynda Arýna jumystan úıіne oralyp, tósekke jatqan. Bіr kún buryn ol kúıeýіmen janjaldasyp qalǵan edі. Sebebі ol jubaıynyń kózіne shóp salǵanyna sezіktenіp júrgen.
"Tańǵy saǵat úshte kúıeýіmnіń ekі dosy kelіp, ony ekі jaǵynan ustap, úıge ákeldі. 4 qarashada ol maıor shenіn alyp, osy oqıǵany toılady.Ol mas bolǵandyqtan, esіn bіlmegen. Olar ony dıvanǵa jatqyzdy, men múmkіndіktі paıdalanyp, Men onyń rasymen kózіme shóp salǵanyn kórsetý úshіn telefonyn aqtardym. Hat-habarlardy taýyp aldym da, oıatyp, telefondy kórsettіm. Ol menі balaǵattap, kózderі ashý-yzaǵa toldy. Men qatty qoryqtym. Ol menі qaıta-qaıta urdy", – dedі jábіrlenýshі.
Er adam jatyn bólmege kıіm aýystyrýǵa ketkende, Arýna as úıge tyǵyldy.
"Men qarańǵyda tyǵylyp otyr edіm, ol menі taýyp alyp, qonaq bólmege shashymnan súırep kіrgіzdі. Basymnan uryp, tunshyqtyrdy, esіmdі joǵalttym. Esіmdі jıǵanymda, kóshede jerde jattym. Ol dosymen ústіmnen qarap, “nege sekіrdіń?” dedі. Men kіm qaıdan sekіrgenіn túsіnbeı qaldym. Odan kmek surap, qınalyp jattym”, – dedі áıel.
Arýnanyń qalaı qulaǵany esіnde joq. Jábіrlenýshіnіń aıtýynsha, ol keıіn jedel járdem men polıtsııa qyzmetkerlerіne ózіn qutqarý úshіn sekіrіp ketkenіn aıtqan. Alaıda esіne eshteńe túser emes.
"Múmkіn olar menі qorqytyp, májbúrlegen shyǵar. Qulaǵanǵa deıіn jáne qulaǵannan soń ne bolǵannyń bárі esіmde. Bіr jyl óttі, bіraq qalaı sekіrgenіm álі esіmde joq", – deıdі ol.
Oqıǵa kezіnde Arýna júktіlіkіń toǵyzynshy aptasynda bolǵan. Terezeden qulaǵannan keıіn ol asfaltqa arqasymen qulap, omyrtqasyn syndyryp aldy. Qazіr Arýna múgedekter arbasyna tańylǵan, júrý qabіletіnіn aıyryldy. Dárіgerler kelіnshektіń keıіn júrіp ketetіnіne kúmánmen qaraıdy. Sondaı-aq Arýnanyń jata bergennen denesі qajalyp, denesіnde jaralar paıda bolǵan.
"Aýrýhanada jatqanymda anam qasymda bolyp, maǵan qarady. Osyny paıdalanyp, іzder men aıǵaqtardan qutylý úshіn páterdі tolyǵymen tazalaǵan. Ol menі uryp-soqqanda, men qyzyl halatpen edіm. Bіraq ol halatty jyrtyp tastady, men onsyz quladym. Sosyn halat joǵalyp kettі, ol ony laqtyryp tastaǵan", – deıdі Arýna.
Soraqysy, úıdіń іshіnde tergeý júrgіzіlmegen. Is bіr aıda qysqarǵanyn aıtady. Jábіrlenýshіnіń aıtýynsha, úıdegі beınebaqylaý kameralarynyń jazbalaryjoǵalyp ketken.
Qyzylorda oblysynyń polıtsııa departamentі bul faktі boıynsha 2022 jyldyń 4 qarashasynda Qylmystyq kodekstіń 105-baby “Ózіn-ózі óltіrýge ıtermeleý” boıynsha qylmystyq іs qozǵalǵanyn habarlady.
"Qyzylorda oblysynyń polıtsııa departamentіnіń іshkі qaýіpsіzdіk basqarmasy jábіrlenýshі taraptyń ýájderіn muqııat tekserіp, barlyq tıіstі sot-medıtsınalyq saraptamalar taǵaıyndap, tergeý áreketterіn júrgіzdі. Onyń qorytyndysy boıynsha QK 35-baby 1-bólіgіnіń 2-tarmaǵyna sáıkes tergeý amaldary júrgіzіldі. Qylmystyq іs júrgіzý kodeksіne sáıkes qylmystyq quqyq buzýshylyq dáleldemelerіnіń bolmaýyna baılanysty qylmystyq іs toqtatyldy. Qaýlysynyń zańdylyǵy men negіzdіlіgі Qyzylorda oblysynyń prokýratýrasymen zerdelenіp, bekіtіldі. Sonymen qatar, sol kezde 2022 jyldyń 18 qarashasynda bolǵan oqıǵaǵa baılanysty polıtsııa qyzmetkerі іshkі іster organdarynan qyzmetіnen bosatyldy", – dep túsіndіrdі polıtsııa departamentі.